بسم الله الرحمن الرحيم
اليكم هذه القصيده وآمل ان تنال أعجابكم
أهل الشمال إحنا على الخير ؟؟؟؟؟
من سد حقل الى مضارب قضاعة
وأهل الشمال إحنا لنا فعـل يذكـر
لو يكذب التاريخ نلـوي ذراعـة
وأهل الشمال إحنا هل الكر والفـر
تاريخنا منقـوش ماهـو طباعـة
وأهل الشمال إحنا طعم لحمنا مـر
بالحق نحمي حقنا مـن ضياعـة
وأهل الشمال إحنا كما الحر الاشقر
فينا الكرم والمرجلـة والشجاعـة
أكبر دليـل إن الشياهيـن تعبـر
في خط هجرتهـا علينـا تباعـة
ماتلفي الاحـرار الا علـى الحـر
والحـر عمـره مايغيـر طباعـة
إن جيتنا بالطيب مسـك وعنبـر
وإن جيتنا بالثانيـة سـم ساعـة
صحيـح إن الفقـر فينـا تكاثـر
مع عـزة بالنفـس فينـا قناعـة
ما ودنا فـي رزق حظـه معثـر
الله ولا رزق يجـي فـي دناعـة
في كف أخو نوره حسـام مشهـر
وأحنا سعوديـن سمـع وطاعـة
القصيده لايحضرني شاعرها وياليت من يعرفه يرسل اسمه حتى تحفظ حقوق الشاعر
وياليت اذا القصيده مكرره يشوف شغله المشرف 
تقبلوا
تحياتي
أهل الشمااااااال
العرض الشجري