قصيده للشاعر/ محمد بن عواد الجوهري وصف لحالة البروبالذات ما يحدث في الشجر وردي عليه.
الـبـر مـا عـاد بــاقـي بــر
_________الـبــر والـسـوق مـتشـابـه
الـيـوم كـلـه قـرى وهـجــر
_________والكهـربه روس الاشعابـه
عقب الشجر شوفته ما تسر
_________جـتـه الـمـنـاشــيـر لـهـابـه
خلو عضدهن تـقول اكـور
_________ودوه لــلـسـوق جــلابــــه
اهل الطمع والجشع والـقر
_________سووعـلى الديـره عصابـه
الله على الـمخربيـن اكـبـر
_________كلاً بـسـيـفــه تــهــقــابــه
ما يدرو ان اكبـر المـنـكر
_________قـطع النوامي مـن اسبابـه
لعـل مـن قـطعـوه اخضـر
_________يـقـطعه ربي مـن احـبابـه
ورديت عليه بهذه القصيده(مجاراه):
الـبـر روح مع هـل الكـر
_________والـفـر ورجال ما تهـابـه
تـكـيـفـو بـه بـبـرد وحــر
_________عـاشو بـه ااسود وذيـابـه
عاشـو بعـز وخـيـر وشر
_________والـبيت ما يـنـقـفـل بـابـه
بـيـوتهم مـن شعـر تعـمر
_________من فوق عمدان واطـنابـه
مـدهـل لـضـيفـانهـم ومقر
_________والـلـيّ زبــنهـم يـحـيــا بــه
مـنه الـحـراسات والعسكر
_________وبه يـعـطو الـحـق طلابـه
يـوم الـطـبـيعه علـيـها نمر
_________هــذي خـمـيلـه وذي غـابـه
وبالروض يا ماحلا المنظر
_________زهــور تـــزهــاه خــلابــه
الــعشـب كاسـي ومـتـنـثـر
_________يـا منـيـة الـليّ أيـتمشى بـه
ويـا محمد الـيـوم شر ومـر
_________سلطه على الضلع وتـرابه
عـقـوم فالارض والا حفـر
_________ما تشوف قـشعه ولا دابـه
وجباله اسماء تحـتها صور
_________ذكـرى وتـاريــخ وكـتـابـه
امـا الشجر صار فـيه عـبـر
_________من شوفـه الـنفس مـنصابـه
سـوو بــه اسـواه مـا تـذكـر
_________كــلا لـه امــولــم ركــابــه
مـن نـاسنـا ونـاس تـتسـتـر
_________حــمايـة الــدار واجــنابــه
والـعـوُد مـن قبـل ما يـبـتـر
_________لـو حاجة الـرجل لـزهابـه
لـوكان في قـصتـه مضطر
_________مـا قـصـه ولـلـبـلـد جـابــه
والاخضر بخص ما يـكسر
_________و قاطعه يـأتي لـه احسابـه
والـيوم لـحق الكـثـير الضر
_________روح الشـجر بـيــد سلابــه
نـنـاشــد اولاتــنــا تــنـظـر
_________فـالوضع من قبل يغدى به
وقـفـاتـهـم لـلوجـيـه اسـتـر
_________لـلـدار فـي سـلـم وحـرابـه
قصيده عما يحدث في الطبيعه وخاصة في الشجر للشاعر محمد الجوهري وردي.
العرض الشجري