يالادمي تحتاج دايم معرفــه

[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يالادمي تحتاج دايم معرفه=لو زاد عرفك تجهل اشيا كثيره
ومن شاور اهل العرف يزداد عرفه=يعرف مخاريج الامور العسيره
يلقى ولو عميت على الناس صرفه=ويلقى جواب الي يجي يستشيره
ويغض عن كل الصغيرات طرفه=ماوده اتصير الصغيره كبيره
والي تعرفه لو يغيره ظرفه=اسكت ولاتنبش خفاه وغويره
واستر على عيبه ليا بان وارفه=الله ستر خلقه وحب الستيره
لو ينستر بالعيب في وسط غرفه=وشفته.. فلا تفضحه في كل ديره
يمكن تبي خيره لكنك تحرفه=نيتك ماتعطيه حبة شعيره
والادمي صبره على الي يعرفه=ماهو معيب وتالي الصبر خيره
صبرك على مجنونك الي تعرفه=اخير لايبلاك مجنون غيــره
[/poem]