قصيدة موجهة لشيخ شمل قبائل الحويطات

[poem=font="Simplified Arabic*5*black*bold*normal" bkcolor="transparent" bkimage="../backgrounds/6.gif" border="none*4*black" type=0 line=0 align=center use=ex num="0*black"]
نخوه شعريه موجه الي شيخ قبيلة
الحويطات /عون بن عبدالله أبوطقيقه مع التحيه
ياهل الظنون اللي تحدد وعدها= سوقوا ظنون أفكاركم كور وشداد
و ياهل النفوس اللي وفت في وعدها=ذروة سنام المجد غبشه ومهجاد
سوقوالمطايا لين ياقف جهدها =وعيفو مذاق النوم والشرب والزاد
كم سابق تظهرعلي مد يدها=وتقطع الملفاها سراهيد الأبياد
ولاكل من قاد المغازي حمدها=الا لفعل الخير و خماد الأحقاد
وللخلق رب من عدمها وجدها= وللحب بذار و للزرع حصاد
سحابة بالفكر يرزم رعدها= تمطر عزاوي كيفها بن وقناد
وهقواتنا اصفى من نوادر بردها= بلي لهم شيخات الأمثال تنقاد
لاذكرت النخوه وركزة عمدها=وحطوا الفزعات الرجياجيل ميعاد
نخواتناماكل حي جحدها= شيخ شمل الحويطات مسناد
يامسند النخوه ومبدا سندها=جيناك ياشيخ الحويطات وراد
ورد البحوراللي سعد من وردها=تروابها أكبادو تظمابها أكباد
ياعون عون اللي ترجي ولدها=و ترجي من الله فيك فكات الأقياد
ام تبي ياعون منكم سعدها=وماراح ماهو يابن الاجوا دمنعاد
داو العيون اللي تعاظم رمدها=و حزن غزاهاغزوة الغرب بغداد
وقدها ياعون من الحويطات قدها=و تنقاد بالفزعه مواريث الأجداد
فزعت حويطات يذري مددها=وعلومهم ماتنحصي فخر و امجاد
فزعاتهم ماتندفن في مهدها=ترسي كماترسي على ا لأرض الأوتاد
ياعون حسنات المواقف تجدها=وفعل السبب يرفع جماعات وفراد
انهض بجاه الله لرفعت نكدها=و كرم شفاعة حرب و وجيه الأبداد
سفيان هي وقريش تشكي للهدها= وعليك ساقونا و سقنالك ك اجواد
ضيوف ضافوا والبيوت و سددها=و حنابهم ضفناك ياقرم الأولاد
ويفداك من هو ياالحويطي نشدها=عاداتنا مانحمل الضيف الأنشاد
و لاتعرض الشرهه على من فقدها=وفيك الأمل عن ماسمعناها يزداد
قل تم ياعشق البني ونهدها= حويطية تكسي متونه بالأجعاد
والكلمة الي تقولها نعتمدها= بعدالولي تقلب شقى حزنها أعياد
[/poem]

مع تحيات الشاعر/حسن سميرالمخلفي الحربي