إلى البعض ..... مع التحية

ما كل من يغلي هله يغليهم بنفس الشعور
أحدٍ شعوره صادقٍ و أحدٍ شعوره مصطنع
~~
اللي صميم بلابته لا هينت اللابة يثور
أمّا اللصاقة لا سمع يسكت و لا كنّه سمع
~~
هذاك مثل اللي يشيل ذراعه ان حس الحرور
و الآخر ذراعه صناعية فلا حس و جزع
~~
مقاطعٍ لاسم القبيلة في جميلات الأمور
و الاّ القبايح يلزقه يا لعنبو هاك الطبع
~~
يرفع علمهم واضحٍ لا صارت السكة حدور
وإليا ترقّى و ارتقى وطّا علمهم ما رفع
~~
موسٍ على الحدين يذبحهم كما ذبح الجزور
يبتر ليا منّه دخل و ألاّ ليا منّه طلع
~~
يا لعنبو هالماركة يا لعنبو رخم الطيور
اللي سرايبهم على صيد الجزالة ما تقع
~~
لمّا ينادًى للقيبلة لا غياب و لا حضور
حتي غدو بعيون خلق الله حثالة مجتمع
~~
مثل النجاسة لا وطت في صفحة الماي الطهور
لا فكّته من شرها و لا من الما تنتفع
~~
عديت قافي و المعاني بادية بين السطور
من واقعٍ ملموس ما هو من خيالي مخترع
~~
عن لابتك لازم تقف و ترد طعنات الصدور
من يصفعك عالخد عالخدين لازم ينصفع
~~
و انت الحويطي ما يخلف صقر أبد غير الصقور
حرٍّ ليا هدّيته بغير السمينة ما رجع
~~~~~~