قصيدة (( وين انت ))

هذي القصيده اهداء لشخص أكن له الكثير
والكثير والكثير ولولا غلاته ما طلعت ها القصيده
من الأعماق ... واتمنى أن تعجبكم

(( وين انت ))

اسبوع عدى وانت غايب عن العين
وين انت عنا يا مليح الصفاتي

وين انت يا بلسم جروح المزايين
وين انت يا ضحكة ودمعة بناتي

وين انت يا قرة عيون الملايين
وين انت يا نوراً تعلى سماتي

جاني الخبر كنه طعنات سكين
ومن عقبها زادت عليه شقاتي

قالوا تصبر قلت من وين لا وين
صبري نفذ والقلب عيا يباتي

يالله يالمعبود يا خالق التين
هون علينا همنا بالثباتي

هذا قدرنا يوم حنا ملبين
للواحد الي ما يرد الدعاتي

يفداك كلي يابن شيخاً به الدين
ساسه ونبراسه بعصر القناتي

شيخاً تودد لليتاما المساكين
شيخاً حياته بين صبر وصلاتي

واليوم حالي صايراً مثل بنتين
اسأل متى يرجع وترجع هناتي

مظلوم يا عز الرجال الدناديين
مظلوم يا راعي الكرم والوفاتي

والليله قمرى والقمر فاقد الزين
عبد الحكيم الي بشوفه شفاتي

وسلامتكم
الود طبعي