سترك حجابك

[poem=font=",7,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابنت انا ادري وانتي اكيد تدرين=من شب في حاجه مشيبه عليها
سترك حجابك عن عيون الخبيثين=مفاتنك عن خلق ربي استريها
لاتاخذي عن صايب القول قولين=بعض الرخص يابنت لاتتبعيها
مادام بيدينك دليل وبراهين=في سورة الاحزاب والنور فيها
خلي دعاة العلمنه والتماجين=نارٍ يشبوها عليك اخمديها
ذولا مطايا الغرب روس الشياطين=لامجّدوا الحاجه فلاتقربيها
ترى الجمال الوجه هو مجمع الزين=مااحدٍ عشق بنت العرب باخمصيها
بكره تسيري مربيه للوراعين=لاتفسدي البذره على زارعيها
ترى العسل لاصار مكشوف للعين=ترغب كثير الناس تلعق يديها
كوني كما دره محاطه بصدفين=ماكل غواصٍ يصلها ويجيها
مايخرجك موجٍ ولايلوثك طين=محفوظةٍ مااحدٍ يسيطر عليها
ماودنا جور اختلاف القوانين=امسك لجام الخيل ياللي تبيها
ماينزل الحاجب تحت حدقة العين=دايم على طول الزمن معتليها
سطرت قافي كان يابنت توحين=الفطره اللي فيك لاتقتليها[/poem]