حرب الطور بين الحويطات و بني صخر

وقعة الطور معركة وقعت بين بني صخر والحويطات عام 1909م قرب الجفر،
فحشد بنو صخر حشودهم وكذلك الحويطات ، و حصلت المعركة في طور جبل الطبيق،
وكان قائد الحويطات في تلك المعركة الشيخ و الفارس عودة أبو تايه،
و قد انتصر فيها الحويطات و ردوا جموع قبيلة بني صخر وقد قيل في تلك المعركة أشعار كثيرة، منها:

[frame="2 80"]صاحوا وصحنا وتنبه ذكر عوده***روح كما سيلن قويّن مدوده
ياكم قرمن من هواته يقوده***قبل الضحى يبقى على القبر فوات

ومنها:
ظهر جمع الحويطات***خيل وجيشن امحيلات
الفرسة لهم عادات***والكل للشــــــــر غذاها
[/frame]



[frame="2 10"]و للشاعر الكبير جوان المشهوري قصيدة شهيرة في هذه الحرب


ياراكب حر وضيحان منــغاه ** حر منقى بالوصايف عجيبي

مثل الوضيحي لا جفل من معشاه ** وشداده اللي بالزهر مايصيبي

ركابه اللي بالبواكير يقـداه ** منوة غريب الدار زين الخبيبي

كزه على ابن جازي الا جيت تلقاه ** تلقى ربيع الضيف باله طريبي

تلقى دلاله على الهيضه مجــذاه ** مجذية للاجنبي والقريبي

وعده على ابو تايه وخله معشــاه ** ماقال اهلنا جال واحنا عزيبي

مثل الوزيــر وعسكر العز تبراه ** متحزمين بمطوعات الحريبي

الى رحل كل المــظاهير تتلاه ** واقفا على ديار نباته خصيبي

يرعى سحاب حيث مــارش بحماه ** يرعاه اخو عليا يباس ورطيبي

بني صخر هل المهار الغــذاه ** وصت لها شيخانها ماتغيبي

وتليمو كل برايه وبريـاه ** وقامت تصب الراي صبٍ عجيبي

منهم يقول ودنا بجمع يـلاه ** ونحيل مابين العرب والسريبي

انكاد ما طلنا الجزا والمجــازاه ** منازله بالبيت منا قريبي

كلٍ على بيته معقل رعايــاه ** ينخى الجدود ويطلبون النصيبي

والكل منهم يطلٌب عنــد مولاه ** يقول يارب الملا ما تغيبي

والحرب ماكل الرجاجــيل تقواه ** منهم يهوم وهو بقلبه مهيبي

والشيخ طلق بالمظاهير ياطاه ** لما يصيرو زي جرن يطيبي

وياشــين ماقدامكم غير ماذاه ** ماعمر نطاحه يثني مصيبي

وسارو كما مزن بها النـار موشاه ** مزن غزير وبارقه له لهيبي

حين الضحى وثعولـها يندفق ماه ** وكبت مطرها في نهار عطيبي

وكم فارسٍ زرق المجاديل تنعـاه ** واقفن حزانا واشهدن عالصحيبي

وابن عطيه حرب سامعينٍ بطرياه ** جتنا علومه بالنفايل كسيبي

ولى غدير الموت والمـلح يصلاه ** لما رموه والين حصانه صويبي

يوم اشرهو طلابة الحمد عاولاه ** ثنى عليه اللي يعز الطنيبي

عبطان شوق ابو جعود مـدلاه ** شوق الغزال اللي وصوفه عجيبي

ومحمد اللي يذعر الخيـل طرياه ** إلا شافنه تقافن هريبي

ردو علــيهم ردة الذيب عالشاه ** واشبعو طيورٍ موقعه بالرقيبي

من طاح مافيه الرجى والمراجاه ** حامت عليه ملوحات السبيبي

الظهر والله يخلف الراي بريـاه ** وجموع ابن فايز تقفي حطيبي

واشهد على الفلاح منشان مطهاه ** عشان فرنه والرغيف الرطيبي

ودك تلم جرود بمناسبـك ياه ** وقبيلهم حاملٍ خبثٍ وطيبي

وتجوز الفـلاح غلى البدو مزراه ** مثل الطعام اللي تكزه غصيبي

وانتم صخور صفو حبه منقاه ** عيب عليكم قولة له نسيبي

راعي حماط ودايرٍ فيه يجنــاه ** ماله قواعد في كتاب الخطيبي

تمت وصلو على النبي زين طرياه ** والله مصلي على النبي الحبيبي

[/frame]


[frame="2 10"]وهذه قصيدة شاعر بني صخر
عزيزالصخري في معركة الطور

شديت ثمانا مع ثنتين ***عشرا يدهجا الليله
لصار الماشي صميله
منهن خمس لابن جازي***زبنهن يوم المغازي
شيال حمولا ثقيله
ومنهن خمسه لابو تايه***ياعوده حماي الرايه
راعي الوضحة الامخيله
ياعودة ثوّر لهنه***عقيدا ديمه يتلنه
عاداته كصم الطويله
اشرف(عيد بن فلاح)***لطّ الخور مع الاوضاح
خمنها عيشة طويله
اذبحوا عيد بن فلاح***عقب خزّه الاوضاح
هوه واحصانه عديله
عفيه ياللي رميته***وامع المعارف دليته
بزرة شيهاني تشيله
(عيد) ذّباحه (اذعار)***الظهر النقطا من النهار
ياصيت اذعار يواتي له
غارو على طرش الغفل***(عقيله)غايب بالقفل
لما تغازي هزيله
اذبحوا عيال (بن قيظي)***اولا سالون عن الغيظ
واذبحوا القرم عقيله
اذبحوا اوليد(بن عيطان)***(عقيله)حماي الشردان
اغلاما ما صار بجيله
راحت حرابه طول بطول***بين حويطاتك والاصخور
بالصاع الجابر تكيله
يا صخور كفّون الجواب***لبين ما يحضر الغيّاب
واللي له شورا يبدي له
اول شورا (لابن فايز)***هو شوره علينا جايز
دنوا الزوامل نشيله
ثاني شورا (لابن زبن)***يا قلبه مليانا غبن
اكثر من ترب الثميله
ثالث شور للهقشان***يانعم من طب الميدان
يرمون القرم الغليله
اصخورك مدوا عالقبله***مير اعقب ياولد الخبلة
اللي ما ينطح قبيله
ادخلوهم الى مكة***هذي خلايق معتكة
ذي دنيا وحاير دليله
يوم ان لزّوهم عالطور***(عوده)يصيح من الجور
الله من قطع الاصيله
اشوف الخيل تلاقي الخيل***كن صارت ظلما مثل الليل
اهنيّال الربه يآتي له
كن وقع القرم (عفاش)***وقع يتعفس بالمحاشي
من كف النشمي الغليله
(حتمل) يقول اسدر يا(عيد)***اصخورك لبّاسة حديد
ارجالا عاذبحك غليلة
وش عذرنا من (مقبول)***يوم نروّح ويش نقول
الزهبة ما هي قليلة
لصار اني فوق احصاني***امحجّل والاصل اعبيان
يقطع متين الجديله
بخت (عوده)كسرهم***بخت تايه عثرهم
راحت عا صخورك دبيله
عدوهم ابيوت الحرب***وانسفوهم على الركب
وادلال القهوة ابحميله
يابيض حدن (عهايل)***يامنثرات الجدايل
اصبغن الثنايا بنيله
حدّن عراعي الغزاله***الخيل اتجافل من جاله
هايل يا اذعار الدبيله
الله من حظ كن مال***اهفى (الطور) تلوع ارجال
كلا راح ابسبيله
وش الشاعر ودّه يقول***عقله من الشمت مذهول
ياربي عفوك جزيله[/frame]