برنامج للي ماعندهم كمبيوتر.. :)

.. تقنية كمبيوترية رح تفيدكم بشكل رهيب جدا خصوصا للي ما عندهم أجهزة كمبيوتر خاصة فيهم لحالهم ..
طبعا ودي اسوي البرنامج كأنه دعاية اللي تجي بالقنوات هذيك اللي يقول للطلب والاتصال ازهموا على الرقم اللي متدودل اسفل الشاشة..--) مداخلة : إلا ما لاحظتوا انهم من يوم جتنا القنوات وهم يتمرنون والى الان مانحفوا.. مع انهم نفس الناس اللي يتمرنون
v هل تعاني من كمبيوتر يستخدمه جميع أفراد عائلتك أو زملاء مكتبك.. ولا تقدر تحط بياناتك أو جهات الاتصال عندك و لا تقدر تضبط اعدادات ايميلكــ الخاص على الاوتلوك او أي برنامج ادارة بريد ثاني..
v او احيانا تحتاج برامج تحرير خاصة..بس ماتبي تركبهن على الجهازلانك تستخدمهن مهوب دايم ..
v هل تبي ؟ ( حلوة هل تبي تحفظ ملفاتك معك وتبغاهن جاهزات متى ما دخلت الجهاز.... من دون لا احد يتعبث بهن ويبربس بهن ...
v هل تريد عدم ترك أي أثر في الجهاز بعد التصفح او المحادثة ... --) تحية خاصة للي يقدرون المسنجر ومواقع التعارف والزواج ونقولهم انضبطوا الله يصلحكمــ..

الحل سهل جدا...

مداخلة: هل تعلم بأنك تستطيع استخدام الهاردسك.. الخارجي أو الفلاش ميموري .... كجهاز محمول متكامل فيه جميع بياناتك وبرامجك و تفضيلاتكــ و محفوظاتكــ الخاصة في متصفحك الخاص.. مع برنامج إدارة بريدك الخاص وفيه جهات اتصالك الخاصة....
· جميع هذه البرامج (بورتابل)..

تبي تقول لي كيف اقولكــ..
خلكــ معي...
الكلام لابد يدعم بالشرح...
أفضل حزمة برامج مخصصة لهذا الغرض هي:



نشوف وش يقولون عنه أصحاب هذه الحزمة الأكثر من رائعة..



الآن للتطبيق العملي:
· نختار إحدى الحزم للبرنامج طبعا تختلف بعدد البرامج..



أنا اخترت الحزمة الكاملة وهي عبارة عن 200 برنامج جميعها صراحة من أفضل البرامج وجميعها مجانية وقوية وصراحة اختيارهم للبرامج على ذوقي مرة --) تقول كأني أنا اللي مزينه ( نصصصصاب) ---) يسمع بالمبالغة. لانه من كل فئة ماخذين أفضل برنامج يؤدي الوظيفة بجدارة..



· طبعا اختر اللي تبيه وتحس انه يفيدك واذا ماتدري انتقل لقائمة البرامج عشان تشوف كل حزمة وش تحوي.. عموما اكبر حزمة تحمله حوالي الميتين وثلاثين ميقا وبعد التثبيت تاخذ بس 600 ميقا على الهاردسكــ..
· طبعا بامكانك النظر لكمية البرامج من كل فئة مع انه مجانية ورح تكون بديلة وبقوة للبرامج اللي بفلوس... لو على الأقل تأخذ خبرة فقط..

هذيقائمة البرامج

· طبعا بعد وصول الملف ننقر عليه نقرتين متتاليتين..



· بعدين نشبك الهاردسكـ الخارجي أو الفلاش ميموري.. أنا عندي هاردسكــ FreeAgent Drive 500 قيق ( قيقا ينطح قيقا )
· ونثبت البرنامج عليه..كما في الصورة..



· بعدين يثبت لك كل البرامج كاملة لا كراك ولا يحزنون..ورح يحط لك اختصار على سطح المكتب ..عشان تشتغل مباشرة...



· أو بامكانك تروح مباشرة للهاردسكــ الخارجي.. وتدخل على مجلد لايبر كي وتشغل البرنامج من هناك اختر اللي تبي..


الآن طريقة تشغيل البرنامج:
أول شي سم بالله همن انقر على الايقونة...
· عند تشغيل البرنامج رح يجيك قائمة تنفتح زي ابدأ بس انه جمب الساعة..
· وهناك كل برامجك تحصلهن كاملات والكامل وجه الله.. ومعهن رابط لمستنداتك اللي بالهاردسك..صراحتن شغل نظيـــــــــف.... مرتبات ترتيب زي الحلاوة.... عرس أمك ماترتب مثل هالترتيب --) والله من زين الذبة ..--) لو سمحت لاتعلق على ايميلاتي ---) اقول انثبر وكمل الشرح ولا يكثر.. --) سم طال عمركــ..
كما في الصورة...


· أزين مافي البرنامج انه منظم ومقسم تقسيم جنوني ومريح جدا...· طبعا الايقونه هذي تنفتح لي عند النقر على الأيقونة الخضراء مع البرتقالي اللي تحت بالزر الأيمن وإذا بغيت تعرف وش يسوي البرنامج اضغط بالزر الأيسر على نفس الأيقونة اللي ..تطلع لك قائمة البرامج مع شروحاته ...
· الأيقونة الزرقاء اللي معه شوي موفهي للتحديث عند تحديث أي برنامج هم يحدثونه لك على طول ..
· طبعا تقدر تحفظ مستنداتك الخاصة على الهاردسكـ بقسم My documents وعند النقر عليه رح تنفتح لك ملفاتك.. و لا رح تستخدم الجهاز اللي انت تشتغل عليه ابد ابد...
· البرنامج هذا فيه ميزة وهو انك تربط نوع من الملفات معين ببرنامج معين . مثلا برنامج ميديا بلاير كلاسك تربطه مثلا بصيغة ملف 3جي بي حقت الجوال وخلاص رح يشغله دايم بهالبرنامج مع انه بورتابل .. وهذا ما يميزه عن برامج البورتابل الأخرى...

· اللي يعجبك ان كل شغلك نظيف مية بالمية ..ونظامي لا كراكات ولا يحزنون.. يعني ارقد وآمن ....

باقي شي واحد بس وهو موقع البرنامج ومكان تحميله...

موقع البرنامج

موقع التحميل (اختر نسختك اللي تفضل) انا انصح بالألتمت

التحميل