يبقــى لـنـا التـاريـخ

يبقى لنا التاريخ


[poem=font="Arial,6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يابو فرج حالي تردى ولازاد=وهواجـــس بالــبال صارت مــديــمه

افكار تقفي بي وتقبل بميعاد=لا اقبل ســواد الليـــل شــفته ظليــمه

يبقى لنا التاريخ تاريخ الاجداد=ويبقى بـــها فـعل الرجــال الكريــمه

الطيب يبقى شامخ بين الاجواد=وماللـــردي من بينـــهم أي قــيـــمه

عاشوا زمن ماضي مع شحة الزاد=بطيبة نوايا والنفـــوس السلـيــمه

مايضيع حق ومن ورى الحق طراد=بمجلس رجال يطيح حاجــب خصيمه

وبها الزمن لو تطلب الحق وش عاد=يقول مالك شـــي وامــي حكـيمه

واليوم ضاع الحق والطيب مافاد=كلــن يدور عا رفيـــقه يضــيـمه

واذا عملت الخير جازاك ببعاد=يقول ذا جاهــل قليل اتعليــمه

وصارت شباب اليوم للغرب تنقاد=ياللاسف ماتفــرقه من حريــمه

ضاعوا بوادي والكرامه لها بواد=وضاعت علوم المرجله والعزيـمه

ماقول كل الناس كلن له اسناد=ويبقى بها فعل الرجال الكريـمه[/poem]