يــا يــــمــــــــه

قصيدة قديمة كتبتها لأمي :

سألوني من إنتي ومن تكونين يايمــــــــــــــه
ليش إنتي بجدارة قدرتي تملكين أجمل أبياتي

ليش إنتي صاحبة هالغلا كله يايمـــــــــــــــه
ليش أرخص الروح دونك . مساويٍ حياتي بمماتي

ليش أرخص الروح دونك إنتي يايمــــــــــه
أخضعها لعينك تعانق ثرى تنزله بين الثرياتي

حملتيني تسعة شهور متوجعه يايمـــــــــه
وبولادتي الموت شفتيه بين غيبه وسكراتي

عامين ترضعيني بمر(ن) وصابره يايمـــه
ماشكيتي أوجاعٍ . وآه ياكثرها غلطاتي

ياما بكتني عيونك وأنا صغير يايمــــــــــه
ودموعها سايله لحليب(ن) وحلاوه ولعباتي

لا مرضت سهرتي ليلك بجنبي يايمــــــــه
وهي نايمه متوسده أنعم وأحلى وساداتي

ولا غبت عنك بكتني عيونك يايمــــــــــه
ودموعها نازله حايره بين سؤال (ن) وإجاباتي

ولا فقدتيني بليلك . تفقدتي فراشي يايمـــه
وهي ليلها ضحكٍ (ن) وسوالف (ن) وشاهي ودلاتي

بكاني قليبك قبل تطلع دموعك يايمــــــــــه
آه . ياكبرها دموعٍ(ن) أوجعتني هلة الدمعاتي

وهي بقليبها تسلى بسلوة العاشق يايمــــه
تحتري شوفة عيونه بين وضحك(ن) وعبراتي

25عامٍ ماجفت دموعك علي يايمــــــــــه
كنها الثمايل ماجف ماها بين رمل وحصاتي

ياما دعيتي لي بصلاتك باكيه يايمـــــــــــه
تدعين لي بصلاحٍ(ن) وعلمٍ(ن) وفوزٍ(ن) بجناتي

ودموعها بصلاتها وهي باكيه يايمـــــــــه
ترجي نصيب(ن) وعرس(ن) وكوشه وفرحاتي

وحتى وأنا عود(ن) تبكيني عيونك يايمــه
ولو يسكن عارضي مليون شيب(ن) وشيباتي

وهي بكاها لطفل(ن) صغير(ن) تملكه يايمه
تسلى به تبكيه . مثلك بكيتيني بماضي الحزاتي

والله والله إن فضلك كبيرٍ علي يايمـــــــــــه
ماألحق أفضالك . لو الضيم دونك أذوقه بضيماتي

وشلون ألحقه وإنتي تاج راسي يايمـــــــــه
وشلون ألحقه .تفداك عذرى سيدة كل البناتي

يالله عسى مسكنك بين جنةٍ(ن) وجنان(ن) يايمه
بروضة(ن) تسعد عيونك بين ورد وزهراتي

يالله يارب إسعدني بقولي يايمــــــــــــــه
يالله يارب تقبل دعوتي ياخالق(ن) أرض وسماواتي

وسلامتكــم .