شفـت الحظـوظ انواع في ساعـــة الضنـــــك

[align=center]الحظوظ [/align]
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا الحظ يوم الجود بالخـير ديدنـك = اقـــول لك مليــون لله درك
ون كان شفت ان الردى حاصلن منك = الله يكفيــني تجاريب شرك
الله يكفيني خطاياك ومحنك = ويجعل تباشير الفرج برد حـــرك
ويجعل اصيل الجود صافي معادنك = ويزيد مجهودي بمجهود برك
اما تصاريف القدر خلّها عنــك = للواحـد العالــم بجهرك وسرك
بس المهم اتشوف عيني محاسنك = واشوف في روس العوالي مقرك
شفت الحظوظ انواع في ساعة الضنك = حظـا يشد ازرك وحظا يغرك
حظا على كل المساعي يعاونك = مثل الشجاع الى نخيته يســــــرك
يجيك نفعــه جا لسـا في اماكنك = فــي كل ساعــه له نفوعا تمــرك
وحظا ولونك حي بالفقر يدفنك = ويمكن على درب المهالك يجرك
وحظا يحط الشوك من تحت فرسنك = من شان في درب الهواء ماتحرك
وحظا قليل الفايده في مواطنـــــك = ما ينفعـك با لعمــر ولا يضـــرك [/poem]

[align=center]وسلامتكم / اخوكم عيد بن قيضي البلوي [/align]