ياسعود جفت في يدي القراطيس
ياسعود مدري وشهو اللي جرالي
أتذكر أني شاعر ٍ لي أحاسيس
بس العفو يابوي مما طرالي
أتخيل إني في زمان أمرّؤا القيس
وإلاّ العواجي الذرب شهم الخصالي
في حضرته ينصت ولاينطق الهيس
ولامن قصد كل القصايد هوالي
الشعر له عنده معانى ومقاييس
والشعر له عنده تمام الجمالي
والشعر دوحه زيّنته النباريس
مثل أبو عبدالله قدير ٍ وغالي
مبدع فشعره كل شعره قواميس
والشعر من بعده عيونه همالي
تبكي على فرقاه رجال ٍ عتاريس
وتبكي على فرقاه طيور ٍ خوالي
وتبكي على فرقاه ربع ٍ قرانيس
مثلي من الشعار يصعب سؤالي
عبدالعزيز بن عتيق الرقابي ..
مرثيتي في محمد العواجي
العرض الشجري