قصيدة (المعجزه)..أروع ما كتبت

والله انـي فـي غيابك ....... ما نسيتك لـــو ثواني
........................ولـو نسيتك ربـع لـحظـه .. والله انـسى واتـذكر

كيف بانـسى مـن غرامه .. سـاكن بأقصى كياني
......................... والكيـان اللي سكنته .. مـن اســـالـيبك تــأثر

يا شبـيه البـدر حسن .. ويـا قـمر سبـع وثماني
................ من يشــوفك ما يعــوفك .. وفي وصوفك هو تـحير

شـمس تـشرق في الصباح .او زهـور الاقحواني
............................ او بســـاتينٍ تنامت .. مــن ازاهـيره تـخــير

الثنــايا حب لـولـو .. يـوم عضـن عاللساني
........................ والشفـايا جـمر حـارق .. والعيـون الله واكـبر

والخصـر يـا عـود مـبري .. قاسي ولو به لياني
......................... والظفايـر فــوق متـنه .. صـف واحـد ما تـنثر

يـدها مـجداف عمـري.. حركت مركب زماني
........................... والانـــامل الله الله .. لـو لـمس يـارب تـستر

والـهـدب لامـن تـحرك.. يغمر الدنيا حناني
......................... والرمــش يــا جنـح ليل ..نظرته تـحته تـستر

والأدب منـها تـأدب .. وانـخلق منها الرزاني
........................ والوفـى منــها تـعلم .. كيـف يصـبر ويتصـبر

الخـجل يـا زيـنة الله .. علـمتـهن به معاني
................... مــن كثـر مـا هي خجوله .. حتـى بالمشـيه تعثر

والاصـل مربـى دلال .. وبيـت راسخ بالمباني
...................... مـن أصيـل العـرب تنهل .. نسـلها منـهم تـحدر

وإسـمها من رسـمها .. تـعرفه ولا تــواني
.......................... لانــها فـعلاًًًً (أميره) .. صــورةٍ لو مــا تصور

كـل وصـفٍ بـالعروسه ..قال ناصر القحطاني
........................ فـي ملامـحها تــجسد .. لا.. بعد زودٍ واكــثر

مـا وصـفها شـعر الاخطل ..او مقامة همذاني
........................ او تـــواصيف الفــرزدق .. ولا تعابــيرٍ لـعنـتر

والجمال اللي( بشكيرا) .. و(باسكال المشعلاني))
........والحلا اللي بصوت ( نجوى) .. وصوت (ورده) كيف يسحر

كـل ما فيهـن مفاتن .. مـن جمال ومن معاني
....................... بــس من لفــتة هــدبها .. كــل ما فيـهن تبـعثر

سيـدة كـل العذارى .. واحـده من غير ثاني
.........................او امـــيرة كل حـوى .. ومـــعجـزه ولا تــكرر

صـدقوني لـو اقـول .. بـوصفها كل المعاني
..................ما وصفت ابـــسط صفاها . . لـــو كتبت الفين دفتر

ولــو لساني طول عمري..ما نطق غير الاماني
.................. صـــدقوني لـــــو اقول .. اني بتــوصيفه مقصر

حيثـها مــوطن حياتي .. والعرين اللي حواني
.................. والكفــــوف اللي بدفــاهن .. داعـبني واتــخدر

والعيـون اللي إسكنني .. والشعاع اللي خذاني
............. وعلمتــني مــن منامي .. كيف اصحى لاجل اســهر

ولـو قـسى وقتي بلحظه .. بعد قسواته لياني
................. ولـــو تحدتني الليالي .. علـمتني كــيف اصـــبر

كيـف اعاند كل عاذل ..مقصده ذم ولـعاني
...................وكـــل بـاب تجيك ريــحه ..وش يضرك لو تسكر

غصب عنها بعدوها .. وصرت من حالي اعاني
............... لكن انــي في هــواها .. عشت معها جــملة اشهر

القــرار اللي اخذته.. مـا نسيته لو نساني
................. ولــو بغيت انسى هـواها .. صاح كــل شي تذكر

وامتطي صهوة جوادي ..وارتـحل بين المواني
.....................وابــحر بـمركب هــوانا .. تـايه من وين ما ابحر

لو ركبت رمال صحرى..عودت بـي السواني
................. وإن ركبت امــــواج بحري..ضرني وحش التصحر

وإن جلست لاجل راحه.. قام دربي هو مشاني
.................. وإن مشيت الدرب .. وقف .. وإن تقــدمته تــأخر

وإن طويت الوقت عاند..وإن تركته هو طواني
..................... ويـش اســوي في زمـانٍ ..كـل شـيٍ بـه تغير

حسـبـي الله في زمانٍ .. صارتصريفه اناني
.................... كـل عاشـق حـب واوفى .. مـن تصـاريفـه تأثر

والقـصور اللـي بناها .. في حلومه والاماني
........................صـار جـالس يـرتقبها .. كيـف قــدامه تكسر

والنهـايه هـي بداية ..جرح وجروح وتفاني
.................. ومن بـــدأ بعــد النهايه .. لا انتهى اكيد يخسر