نصرةً للنبي عليه الصلاة والسلام

[poem=font="Arial,6,black,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/1.gif" border="none,4," type=0 line=0 align=center use=ex num="0,black""]

بسم الله الرحمن الرحيم

هذه القصيده كتبتها بعد التطاول على نبينا محمد عليه أفضل الصلاة والسلام وأحببت ان تكون أول قصيده في هذا الديوان الذي أتمنى يكون في ثنياه مايرقى الي ذائقتكم 0

يالي تسبون النبي وش تسبون=هذا حبيب الله وصفوة عبيده
ياكبرها عند الولي لو تعرفون=سب النبي ياهل العقول البليده
ياويلكم ياويل مما تقولون=ومما تخط اقلاكم بالجريده
شوفوا سخط ربي على قوم فرعون=ولاهي على حمر العلابي بعيده
وانتم سوى ولا عليهم تزيدون=وانتم كفرتم من نواحي عديده
الحقد في شعب الدنمرك مدفون=والكره للإسلام فيهم عقيده
واحنا عرفنا الوضع مما يخطون=الحقد واضح والصحافه تزيده
ماضل صاحبكم ولاهو بمجنون=ماشي بامر ربه على الي يريده
مليار مسلم فوقهم كم مليون=كل ٍ مشى حب النبي في وريده
وش ظنكم بالله لما يثورون ؟= قولوا وداعا يالليال السعيده
تكفون ياهل الدين تكفون تكفون=شبوا على الكفار نار ٍ وقيده
ماعاد للكفار عهد ٍ وقانون= خربت ولانبغى علاقه وطيده
نبغى ندوس الكفر وابليس ملعون=حتى بعدها يمشي الدرب سيده
ولانيب شاري حاجة ٍ لو يبيعون=لو صارت الاسعار فيها زهيده
حتى ولو غسّلت من دون صابون=مادمت اضيّع مربح ٍ يستفيده
واجب عليّ اقول لو مايردون=وانصر رسول الله ولو في قصيده

[/poem]