ماكل من طوّل شاربه رجـال

ماكل من طوّل شاربه رجـال
ولاكل من خاواك تفخـر بعـزّه

هذا ولد عـمٍّ وهـذا ولـد خـال
راسٍ تعزوابـه وراسٍ تـجـزّه

واحد يدور من ورى صحبتك مال
وواحد يحوش الموت عنك ويدزّه

وواحد سواليفه تخاريـف جهّـال
يفضحك بين النّاس في كل حـزّه

ودك بعزرائيـل ياخـذه فالحـال
والاّ بشـوزن فالحناجـر تلـزّه

وإن دارت الدنيا ولا دام هالحـال
اقرب قريبٍ ما يعشيـك خبـزّه

وواحد تشوفه ما تصب إله فنجـال
ووقت الصمايل رمحك اللي ترزّه

لا لابسٍ بشتٍ ولا لابـس عقـال
مثل الجبل ما كـل شـئٍ يهـزّه

شيخٍ إذا منه قلط مجلـس رجـال
تاقف له شيـوخ القبايـل معـزّه

أهل الشّكاله فعلهم قبـل الأقـوال
قومٍ بنـو تاريـخ نفخـر بعـزّه

ماني بمتفلسـف ولانـي بدجـال
شواهد العصـر فخيالـي تنـزه



[glow1=FF0000]مما جــــــــاز لـــــــــي[/glow1]