ياصغيّر لاتتفلسف منت قد الإرتجال

ياصغيّر لاتتفلسف منت قد الإرتجال
لو وصلت لـ [ برج بابل ] في ديار الرافدين

تبقى في نظرة عيوني زي حبات الرمال
يعني الله لايهينك وين أنا شف .. وأنت وين !

الشعر نجدي ولكن طوعه جن الشمال
يعني سبعين ألف جني حولنا متواجدين

قُم ولاءً للمعلم يعني توقف بإعتدال
وإلا في صح العبارة منت قد معلمين

زي نص المسرحية شفت عادل كيف قال:
ثكلتك بنت عمة قدة امك أُل آميييين

قال: ممكن؟ قلت: ممكن بس يمكن ذي محال
ربما تفهم .. ولكن ربما لا تستبين

التمدد و التقلص من علوم الإختزال
والكثافة نسبة الماء تحت ضغط الأكسجين

وإنعدام الجاذبية يعني قطع الإتصال
والتسامي علم سامي [ت] بعده حرف سين

وانقسام أية خلية من خلية .. انفصال
زي (دولي) شفت كيف استنسخوها مرتين

وانصهار الثلج يعني ذاب ياولد الحلال
تدري أن الماء أساساً أكسجين وهيدروجين

والذي ممنوع صرفه بالنحو سموه حال
إسم إنّ أو لأنّ زي كيفَ أو لـ أيـن

يعني لو قمت أتفلسف منت قدي بالهبال
فلسفة شاعر ولكن فلسفة شاعر ذهين

كان ودك بس تفهم فلسفة شعري تعال
وش يسمون إنحراف المركبة ذات اليمين ؟

قال: مالت .. قلت: مالت عليك من الخبال
مافهمت اللي نويته يالخبل منت بــ فطين

اضغط enter في جهازك ينكتب لك حرف دال
حط [ ل ] وحط [ خ ] واضغـط enter مرتين

يطلع اسمك الكتروني [ دلخ ] أقرب إحتمال
كان تسمع بالذهانة يالغبي طحت بكمين

كل هذا ماهجيتك هو مجرد إرتجال
وكان دوّخك إرتجالي يمدحون الإسبرين

لو جمعت جيوش شعري كان سويت إحتلال
بس ما ودي أغامر .. حشمةٍ للحاضرين

بس ياويلك لو إني واصل ٍ للإنفعال
كان صدري هالنجد .. ضاق بالمتواجدين

تدري إن أكبر حماقة لا توهمت بخيال
زي من يزرع بطاطة بين ورد الياسمين

يعني اسكت لاتتفلسـف دام باقي لك مجال
يمكن أحياناً يكون الصمت رحمة والدين

الرجولة للصغير رمزها لبس العقال
والكبير اللي جهلها قال فتل الشاربين

الرجل يلبس قلادة ويتغنج انحلال
وقصة البنت لشعرها عادة المستخوجين

والسذاجه والسماجة .. أسئلة داخل سؤال
من حدود البرتقاله لين توصل بابا فين




مما جـــــــاز لي