أضيق من مابي! وأقلب بالأوراق
ياضيقة"ن" في كل ليله تجيني
تعبت أجادف وألحق القلب لا ضاق
وأبعد رسوم الضيق لكن يبيني
من ليلة البارح إلى وقت الأشراق
أطرق على المسحوب مره هجيني
ياليل؟ ليل الدمع بالخد حراق
ما عاد أميز من قساوة سنيني
هم"ن" سطا بالقلب أمرح ولا فاق
بايت وأنا؟ بالعون حطت يديني
أشقيت مع هم"ن" به الصدر ماطاق
وأنا يساري تحتضنها يميني
هم الفراق اللي صنع حزن الأشواق
خلاني أقسم هم بيني وبيني
حتى بمنامي دمعة الحزن تنساق
أرقد وأرد أفيق وأقول: ويني؟
أمسح الدمعات من باب الأخلاق
ومن باب لا تشمت هل العرف فيني
واللي نشدي وش بلا سود الأحداق؟
أقول في نفسي ياهم"ن" دفيني
وإن عاد في قولة تغانمك الإرهاق
أقول: مابي شي يا شيب عيني
تعبت والضيقه تداعب بالأعماق
ودمعي يجاوب لا تساءل ونيني
أحاول أصبر وأتطلع للأفاق
لعل حالي بالدعاوي يزيني
يالله عسى تفرج لصدري ليا ضاق
وتبعد مراكيب الحزن لا تجيني
أضيق وأكتب مابقى فوق الأوراق
ياليت (ضيقتي) دين وأسدد ديني
اضيق من مابي
العرض الشجري