المحـترم يفـرض علينا احترامــــــه 000

[align=center]المحتــــــــــــرم[/align]
[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
النفس تأبـــــى زلة فلان وفــــــلان = والعفو طبع أهـــــل الكرم والشــهامه
نكون في وجه المعــــــادين عدوان = والمحترم يـــفرض عـــلينا أحــــتامه
والناس مانطلب من النــاس غفـــران = نطلب مـن الله العفو والسلامــه
والحال عسر ويسر وأفراح وأحــزان = تناوب أظروف الزمان أستلامه
وأشيل حملي لوهو أشــكال وألــوان = والهـــــم يثقلـــني لوانه جرامـــــــه
لولااك يانا يف ليا جيت تـــــــعبان = ترهي عــلي في حبــة وابتسامـــــــه
وتضمني يا نور عيني بالاحضان = وتدخل على قلـــــــبي تغير نظــــامه
وتفك في قلبــي مغاليق بــــيبان = وتسطـــي على باب الزعل واقتــحامه
ارضى على شانك ولو كنت زعلان = ويذكر علــي فضل الصبر وألتزامه
أوصيك كان انك تبا رفعة الشـــــان = بالعلم يابن عــــــــيد والاســـــــتقامه
اتبع نبيك في تــــعاليم الايمـــــــــــان = مثل المصـــلي يوم يتبع امامـــــه
العلم يابن عيد حياة الانـــــــــــــسان = يرفع مقاديرة ويرفع مقـــامــــــــه
ترا الدعا مقبول في بعض الاحــــيان = بـــين الاذان وبـــين وقت الاقـــامــــــــه
وأنااطلب المولى مفــــهم سلـــــيمان = يفهــــــمك بالدين كـــل الفـــــهامــه
يحفضك بالقــلب ســــــــنة وقــران = تمشي على أرض اللــــه وتقرا كلامه
أوصيك يا نايف إلـى جاك ضـيفان = خلك كريما من رجال الكرامه
ون جاك من الناس عاني وشــــرهان اعرف ترن الوقت والفقر ضامــــه
الجــــود مايثر على المال نقــــــصان = وصعباعلى بعض الجال اعتصامه
وأكمل حقوق الجـــار في كل ميــزان = وصل معه بالطيب ذروة سنامــــه
والـّربع لك عزوه والاخوان جنــــــحان = ولا تنوصل مــن دون عزوه زعامه
والراي شورى بيــــنك وبين الاخــوان = وخذ النصيحة لا تصيبك غشامـــــه
العمر نوب يروح فـي زلــــة لســــــان = أوصيك يابن عيد درك ازمامــــــــه
واحذر ترا للنفس نــزغـــات شيـــــطان = تروح لذتها وتبق النــــــدامــــــــه
واختار لك من خيرة الناس صـــــــدقان = والاردي الناس حذرك لـيامـــــــه
ولا تطاوع الواشي ليا جاك عجــــــلان = لوكان صايم لايغرك صـيامــــــــه
يظهر غلاك ان جـيت يــحلف لك اديان = وتطعنك يومنك تقفي اسـهامــــــــه
وابوك لاتبدي على ابوك خــــــــلان = خل اهتمامك فيه مثل اهتمامــــــــه
كم ليلـة نمــت انــت وأبــوك ســــهران = يسهرعلى شان انت ليلك تـنامــــــــه
اعلم ترى المحسن يجازى بالاحسان = في يوم يقصر ما تشيله عظامـــــــــه
وصــــــلاة ربـــي عد همال المزان = عــلــى شفيع الناس يوم القيامــه[/poem]

[align=center]وسلامتكم مع اجمل تحايا / اخوكم عيد قيضي البلوي
حضوركم يزيدني شرف [/align]