تدري وش أبيض من خفوقك ... !!

[poem=font=",6,blue,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/56.gif" border="none,4," type=0 line=0 align=center use=ex num="0,black""]
الله يجازي مـن يسـوي سواتـك = وبذنوب من سوى سواتك يجازيـك

مشيت درب الثقـل وتحـب ذاتـك = ماتـدري انـه للمهالـك يـوديـك

غـرك جمالـك ياخسـاره حلاتك = ماتدري ان ماغير طبعـك يحليـك

بتقـول زينـك يشفـع لسيـآتـك =الحسن ماهو عن وفا الحب يعفيـك

لوالتواضع والوفـا مـن سماتـك = بعت الحبايب كلهم ديـن واشريـك

لكـن عجـزت اغيـرك ياجراتـك = على الغياب اللي بلا عـذر ينجيـك

خطاي في توضيح وشـي غلاتـك = وخطاك في توضيح وشـو تغليـك

وشلون توصيني وتنسـا وصاتـك = وتصد عن صوتن تقطـع يناديـك

مافاتـك التجريـح والعـذر فاتـك = وتبغي الراي الحين ماعـاد يمديـك

صحيح احبك بـس هـاذي جزاتـك = بعلمـك درس يفيـدك ويحيـيـك

تدري وش ابيض من خفوقك عباتك = وتدري وش اللي غرني نظرتي فيك

ادري بتستغـرب تصبـر وجاتـك = قصيدة مـن واحـد كـان يبغيـك

وتبغي تناظر وانت عايش مماتـك = شف وحدتك والناس تجلس حواليك

وتبغي تشوف اشجع رجل في حياتك = شفني وانا راحل على كثر ماغليـك[/poem]


للشاعر / محمد بن فطيس المري