عظام المصايب ..... فرقا أبوي!!

أصعب الفراق فراق الذي كان السبب بعدالله في وجودك على هذه الدنيا ثم إذ بها تغيب شمس ذات يوم
ويكون قد غادرها وتركك فيها إلى الأبد..

.. أسأل الله لوالدينا ووالديكم الغفران
والفردوس الأعلى من الجنه.

[poem=font="Simplified Arabic,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الموت .والفرقا .وبكى كل مجبور = والدّمع. والذكرى .عظام المصايب
وأوّل مصابي ظامرٍ فيه تنّور= من حرقته دمع المحاجر سكايب
بعض المفارق لوعة أيام وشهور= وبعضه يلوع العمر غصب وغصايب
فرقا الهنوفه يلتقى غيرها بدور= وفرقا الرّجال معوضٍ بالعصايب
وفرقا حياتي فدوة الدين والدور= وفرقا أبوي!! النايبه والنوايب
قالوا توفى وأسقط الدمع منثور= والعلم جاني وأصبح العلم صايب
لا ياعرب قولوا الخبر شابه الزّور= قولوا النجوم تساقطن والسحايب
قولوا كلام ٍ يودع العقل مبهور= لو كان فيه من الغرايب غرايب
لو كل من عّزا لي العود معذور= فأنا وترت ولا وفتني القرايب
وابوي ياحر ٍ فرى كل مطيور= ياما فريت بضربتك كل عايب
وياما سجدت بهجعة اللّيل ماجور= يوم الردي في صحبة الليل خايب
وياما قصدت الطيب حافي وعلى كور= وياما على أكوارهن جاك هايب
وابوي كل المصايب عقبك تخور= إلا مصابي ماقونْه الحدايب
راضي ولكنّ النظر فيك مكسور= وضح الضحى في جبهتك كان ذايب
واليوم غبت وشوفتك يايبه نور= غايب وشوفي عنّه النور غايب
عند اللذي فضله على الخلق ماثور= أودعتك المولى جزيل الوهايب
أودعت طيبك قفرةٍ حافها سور = ماقيل فيها للمفادي سبايب
ياليت لي فيها معك قبر محفور= وأواجهك بين الّلحد والنصايب
أوليتني كنت اللّذي عنك مقبور= وإنت اللّذي تهل الثرى والترايب[/poem]
[align=center]1422[/align]