ياذيب

قصيده يخاطب فيها الشاعر الذيب
يقول:

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياذيب مالك عويتٍ بالمراقيب=لك مدةٍ ياذيب صوتك مغيبي
مدري ابعدنك مبرمات اللواليب =واللى انت صامت شفت شي غريبي
قال استمع ياناشدي واسمع الذيب=كلام اوضح من بياض الحليبي
انا شبابي راح ثم ابتدى الشيب=ولاحظت تغيير الزمن في مشيبي
من اولالقنبت روس العراقيب=اسمع من الجال المقابل جويبي
واسمع نبيح كلاب بدون مطانيب=في كل ريع نازلين وشعيبي
امنين مضوي خابرٍ إلي معازيب= اللي بعيد شوي واللي قريبي
لصبح علي الصبح روس الشخانيب =مكمن بروس العيص محدن دريبي
اسمع ضبيح النجر شرق ومغاريب=كيف الرجال مدلهين الطنيبي
ومرقب دبشهم وين تنحي مساريب =إن قاودنهن متعبات الصحيبي
واصدف من الخفرات خشفٍ رعابيب=مع الغـنم متلايماتٍ عزيبي
ياما تختلت الدبش بالضباضيب=يومن تشل من الجبل عالقليبي
ياما قفيت من الضعاين جناديب=لا شلعوهن يم عشبٍ خصيبي
نوبا ً يناحوني برمي ومشاهيب =نوب اصيب ونوب يردي نصيبي
واليوم مالي با لبراري مكاسيب=إن اصطفقت لشرق والا مغيبي
البدوا قلوا بالفياض العباعيب=شمس البداوه قربت للمغيبي
ما باقي الا رسومهم بالمضاريب=راحت بهم سود الليالي ذهيبي
واللي بقا طبعه حضاره وترتيب =والا شلعن اضعونهم فوق نيبي
وحطوا لدبشهم ملحمات المقاضيب=ولا ياردن للعد برد ولهيبي
الما وعلفهن بالمواتر لهن جيب=مرباعهن ببيوتهن صرف جيبي
الوقت الاول راح مابه تكاذيب =واكمنت كني من الدعايم صويبي
هذا جواب اللي مضاله تجاريب=انيابتا جاوبت عن كل ذيبي[/poem]

[align=center]الشاعر/ عبد الله مطير ابوطلحي العطوي[/align]