غربه~

السلام عليكم ورحمة الله وبركاته

من الارشيف


مع طلب احد الاخوان الاعزاء لهذه القصيده


[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

من تركيا ارسل رساله وترحيب=لعيال عمي والجماعه والاقراب
البارحه صكات بقــعا مــخاليب=وقامت تفر افكــــارها فر دولاب
ســـلام مني مايجــــي بالمناديب=ولا فكـــر الهافي بمثله ولاجاب
مشتاق للديره وشوف المعازيب=والقلب به دمعه بها لمعة شهاب
شوقن يهز الروح وعيوني تجيب=كلما تذكر ديرتي وسيد الاحباب
انا بديره تسلب العــــقل والجيب=ولاشفت متسول ولا شفت نصاب
بنطاكيا وانطاليا يشــــــبع الذيب =وغزلانهم مايركبو غــــــير دباب
مع الرفيق اللي منزه عن العيب=خوي دربن بين عربن والاجناب
فيها الجمال اليوسفي دون تحسيب=وبجبالها ريم الفلا وسط الاعشاب
ياعـــــــيد قوس يم قلبي بتصويب=وصاب الهدف ملعون آبوه صواب
لاقال جركا قلت ابشر بتطبيب=انا براد الليل ياعذب الاطياب
افلان لوشافه يعوف العراقيب=ويمسح الريضان ويشب مرقاب
مكن صوابي وجدد الجرح ويغيب=وجسمي ضعيف ماقوا شيله اعصاب
من أزمير شرقنا وهو راح تغريب=والكل منا ضف ذيله بالاثواب
خمسة عشر عمره وسبعه بترتيب=الذوق مني وخاتمه عند عراب
نمشي بها العالم ونقول تجريب=ونشوف صادقهم ونشوف كذاب
ونشوف بعض الزين ونشوف تخريب=والعين ترقد مير عصين الاهداب
وشفت الوداع وشفت ولوال ياعيب=سبحانه الله زارعه وسط قصاب
غربه وانا في بحرها لكن آديب=وآميز الرجــــــعه قبل قفلة الباب
من تركيا ارسل رساله وترحيب=لعموم ربعي والقرايب والاصحاب[/poem]