ربعي هل الطولات

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
طبع الليالي بين نازل ورحال=هذا نزل واخر يشد الرحالي
وكل له اهداف بدنياه وامال=وامالنا بالله عزيز الجلالي
اللي خلق بالناس طيب وبطال=الكامل اللي متصف بالكمالي
ولاميل من ميل الزمن كل مامال=ماميل من ميله وميل عقالي
اميل عقالي بي العز لازال=مايحكم عقالي على ميل حالي
مادام لي عزوه من العم والخال=يقفوا معي لادرهمن الليالي
ايسد عن عشره من القوم رجال=اللي بصكات الزمن ماتبالي
اللي منازلهم من الجال للجال=من شرقها لاغربها والشمالي
خيولهم في عسمة الجوع تجتال=تجتال بالفرسان في كل جالي
شيوخ فراس شجيعين وابطال=مقدارهم بين الرجاجيل عالي
الا عطوك الراي خذ راي عقال=يحللوا لك مبرمات الحبالي
لهم بصفحات التواريخ مقيال=لهم من الصولات باول وتالي
الا اعرضوا زلزال وان جوك زلزال=ولا اوقفوا تاقف جبال ثقالي
لو كانت الافعال بالقيل والقال=لاكان رحنا بين قيل وقالي
فعل النشاما ما شريناه بالمال=ولا ينشري صيت العرب بالريالي
خشوا على التاريخ والدم همال=بالسيف والريشه وفعل يقالي
والعلم يهل العلم تمره وفنجال=من دلة مبهره من دلالي
اسوقها لهل المكارم والابطال= لفرسانها وشيوخها والمعالي
حويطات لنه صار بعض التخلخال=والعود لعياله نخاهم عيالي
ربعي هل الطولات لو غصنها مال=لاحافت العربان زمل همالي
لاصار بالايام طلعه ومنزال=يقفوا مواقيف ابوزيد الهلالي
ارتاح لاشافتهم العين والبال=ويضيق لاراحوا عن العين بالي[/poem]