يالله يالله ياقلب أركن هم على هم !! وكافح بالهدنيـــــا لو يطول عـــــــــــــذابي
ماشفت بك عمى ولاهقوتي صــــم !! ولا أنت ياقلب مما جـــــرالك مصــــــــابي
أصبر على دنياك ياقلب ولاتهتــــــــم !! وخلك قوي ياقلـــــب لو الراس شــــــابي
جروح قلبي لو دار الزمن ماتلتــــــــم !! جت من بعيـــــد والا من أعز أقـــــــــرابي
شربت من كاس الخيانه كوبا معلقم !! وشافت عيــــوني مما يفقدني أعصابي
مع كل هذا قلت تفضل وســـــــــــــم !! قدرك عزيز وكتـــــمت العبره عن أهدابي
تعبت من ناسا وقت الفرح تبســـــم !! ناس(ن) أدور الزلـــه ولا أدور صـــــــــوابي
بعت وشريت بسوق المرجله أسهم !! وعديت ضلع(ن) ولا حدن وصل مرقـــابي
الله الله يازمن به الوفاء تحطـــــــــم !! وغاب الحـــــق مابين شـــرهة وعتابـــــي
زمن عجزت القى له من يترجــــــم !! وعجزت أفرق مابين مـــــاءه والــســـرابي
شريت خوة من على المراجل ترسم !! اللي ليضاقت على الوسيعه رقـــــــابي
هذاك غلاه يجري بقلبي مع الـــــدم !! وأنا أشهد أنه اليوم من أعز أصحــــــابي
من قضى حاجتي لحاجته قلت أنا تم !! وأنا على هقوته مثل مـانه هقـــــــابي
ومن شميت معه ريحه الغدر ولو شم !! فرقاه عيد وماني لخوته اليوم طـــلابي
هذي الدنيا كل فرد(ن) بها يتعـــــــــلم !! ومن لايستفيد بشر عمره بالخرابــــي
واليوم ياقلب خلك بعيد(ن) وتســـــــلم !! من لسان العواذل وكل منهو حكـــابي
أعجبني فنقلته لأرواحكم
الوفيه
قصــيـــدة تبكي القلب .!
العرض الشجري