بصراحه بالنسبه للجنسين أشوف الموضوع عادي بس أحنا بالدول العربيه عندنا الأنظمه خربوطيه
وتحوس العوايل حوس يعني وش يوم يتزوج من بنت عمه في الاردن أو مصر ومايقدر يجيبها عنده بسبب عدم حصوله على الموافقه والمشكله يوم يخلف ويصير عنده عيله برا وماهو قادر يجيبهم عنده ليه هو متزوج له يهوديه ماهي عربيه مسلمه ..؟؟ ويقولوا علشان يحدوا من العنوسه يشددوا على الزواج من الخارج ..
ماهو يوم يتزوج من برا مايتكلف زي يوم يتزوج عانس بالسعوديه المفروض يحاربوا الغلا والمهور المرتفعه وكثرة الطلبات والفشخره الفاضيه وبعدين يقولوا له ليش تزوجت اجنبيه ..؟؟
هذا بالنسبه للرجال ..
أما بالنسبه للبنات والله أنا أشوف يوم يكون مأمن نفسه ورجل عاقل ومحافظ على دينه وحالة الماديه ممتازه ويضمن أنه يعيشها عيشه رضيه مافيها شئ لو زوجوه حتى لو كان أوربي مسلم
مو بس عربي .. تدرون ليش . لأن بصراحه عقليات الشباب برا غير تلقاه همه عائلته وعمله
وتربية أولاده .. وش تبغوا البنات عندنا يعنسن ولايتزوجن هامل من الجماعه توه طالع من السجن ووظيفته أعمال حــره ,, وهي تصرف عليه وعلى أعماله الحره ويوم تخلف تصرف عليه هو وخلفته وفوق كذا تعيش الذل والقهر وتعيش حسب مزاجه وأخلاقه اللي كل يوم شكل من كثر البلبعه ولا ويوم تقول والله مبهدلني يقولوا لها أبو عيالكي ياشينه تحملي ..
والله أن بعض حديثي الاسلام أنهم أكثر محافظه على دينهم من شبابنا الان ..
برائيي أذا توفر في الرجل ( الاســلام + التعليم + الأخلاق + المــال ) مايهم من أي جنسيه كان
سيكون هو الخيار الافضل للبنت من ولد العم الضااايع ...
كل الشكر لك أختي على أثارة هذا الموضوع الحساس
دمتي بود
ساندريلا
العرض الشجري