نبّه على الشعار يا موسى

الشعر ابو آهات محسوسه = مليت من تاجه وملبوسه

المارد اللي ساكن ٍ فكري = يوحي الى روحي بناموسه

قبطان كابتن طائره فاهم = الناس من شعري ومهووسه

الشعر فيني خيل حمحمته = تسبق بنات الجن وجروسه

والشعر عندي ساريه اولى = رايات صعب تصير منكوسه

والشعر صاير شي متفرعن = نبه على الشعار يا موسى

اني انا الشاعر ومن حقي = آكافح الآفات لتدوسه

اللي يجونك بذرع ٍ عوجا = تحط سرجه فوق جاموسه

آلاآم وشرايين منسده = وشباري ٍ بالصدر مغروسه

الشعر اصبح سلعة ٍ تشرى =و كنايسه ما تدق ناقوسه

وشلون دود القز وخيوطه = ينسج على المنوال ويحوسه

الشعر صاير كالجمل هايج = امزبد ٍ يصرك على ضروسه

الشعر مطاطي وبالوني = ومعاني ٍ ما هيب ملموسه

لو يحتضر ويلقط انفاسه = زهبوا سهامه واجدلوا قوسه

اعلام مرتزه على الفاضي = واحواله اليومين معكوسه

شفنا شويعر مرهق افكاره = ينام بين اوهام كابوسه

وهذاك مستشعر يبي يرقى = رجم ٍ طويل وقابض ٍ موسه

وهذا يقول ان لا منازعلي = ويقحم نصوص الشعر بفلوسه

هو يحسب ان الشعر بحسابه = يكسر قواريره بدبوسه

لا هيجنتبه ناس مسعوره = اتعبده نيران ماجوسه

ودي اجي وآكسر اصنامه = الا غزيز القوم ودروسه

الفرهده وده فراهيدي = يفرهد المعنى بقاموسه

الشعر يبقى صاحب وغالي = اكلمه وادعيه وابوسه

اطرق طواريقه وانا بحره = واجيب مسحوبه ومنكوسه

صحيح ما هو اكبر احلامي = بس الصحيح اظل طاووسه

افرد عليه اوشاح جنحاني = واطلق خطام البيت واسوسه

يا رائد الشعار في عصري = وين انت عن فخره وناموسه

يالقالب المصنوع يامكسر = لا تقلبه وتدهدم اطعوسه

خلك على ما قيل متحضر = وشلك بمسحوبه ومنكوسه

هات الجمل يا موسع ٍ بابك = اظن كبد الشيخ محموسه

بالله زين لي هوى الدله = يا صاحبي والنفس محبوسه

الشعر ابو آهات محسوسه = تعبت من ليله وهاجوسه