واجب الرحم بين الحويطي و العنزي

حي الجواب اللي لفاني بمكتوب ~ واللي أرسله واللي علينا قرونه

من ربعة تشبه من النار شعلوب ~ تأكل حطبها واللحم يحرقونه

كم واحد خلوه اجرد من الـثوب ~ يجرع من المرار يشكي غبونه

يوم اللهيب يقول بنلوبهم لوب ~ رده عليهم والعدو تذبحونه

غزوة أجريد لها ذكر محــبوب ~ يوم بلي بصواتهم يندبونه

عند الملاقي عسم الوجه ويذوب ~ ذوب الرصاص اللي لهم يرسلونه

وسليمنى المجنون في راس عرقوب ~ مرعي يقول أظن ستة جنونه

وقفي عقيد القوم منكف ومصوب ~ واحد معه من ربعته يشقلونه

مرعي يحلف يقول توبة وانا اتوب ~ مغزي جبل مكلاه والموت دونه

أدم خلق من طين فرقان وشعوب ~ والله خلق عذراه بيضى حنونه

والله خلق إبليس والجن شلهوب ~ حتي اللعين اللي كذي يرجمونه

وبعده غزي حمدان بربع جندوب ~ مثل الأسود عدوهم يبلعونه

عنده حلال القوم كعيسل الذوب ~ كم هجمة من عندنا زعزعونه

صفر الشوارب واللحاوي مع شنوب ~ دم العداوي على الصفى يلحسونه

يوم اقتفوا شاهين بالحبل مصلوب ~ مثل الجهيز وفسبع يجلبونه

يوم انطلق شاهين عريان مسلوب ~ سمعوا صعيكه ربعته واسعفونه

بعد الكسايب صار حمدان مكسوب ~ يوم المنيه جابته واتبعونه

بعد الحرايب صار به صفوة قلوب ~ صرنا نسايب والنسب تعرفونه

تري النسب له شان وحقوق ودروب ~ عند اللوازم خالهم يحتمونه

تري الرحم خلي عنزه لهم نوب ~ خص اللحفاه وفيدهم رجعونه

سبب القصه

أسباب تراجع الحويطات غزو على عنزه وأخذ الأبل وجاء واحد من عنزه عند الحويطي وجلس شهر ثلاثون لليله فقال العنزي

ذلولي مقويه ولاأنا تعشيت ~ ولا ذقت نوم العرب من رزيمها

فقال الحويطي الحفيان

الضيف له عندنا ثلاثين ليله ~ وباقي الليالي مايقيمها
فقال العنزي
يقيمها من له هجمه مستديره ~ يقيمها يالحفيان وانته رحيمها

فقال الحفيان وش يجيبك رحيمها فقال العنزي أمي أخت أمك
فسأل الحويطي والدته فقالت
أختي متزوجة عند عنزة فقال الحويطي عقلت فجمع الأبل فردها إلي العنزي رحيمة