من روائـع / احمد سالم ..." راحت تعالج ..

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
راحت تعالج من مرضها ولا جـت =معقول ما ترجع وهـي أوعدتنـي

ماني مصدق لـو يقولـون ماتـت =وشلـون وهـي البارحـة كلمتنـي

قالت أكيد إنـك لصوتـي تشوقـت =قلـت آهـ كلـك يالغـلا شايقتنـي

اشتقت لك ولنظرتك حيل اشتقت =ولهمستـك ولبسمـة ساحرتـنـي

ولمعانقك يا بعـد عمـري تولهـت =وكلمة هلا حبيبي وربـي أوحشتنـي

قالت أحبك قلـت أنـا فيـك ميـت =واللي يحفظـك بالغـلا مالكتنـي

قالت وتنسى صورتي قلت لا كنـت =ينسـانـي الله كانـهـا فارقتـنـي

وهلت دمـوع الغاليـة ثـم قالـت =قالـت أحـس إن المنيـة لفتـنـي

قاطعتهـا استغفـري الله يـا بنـت =وعجزت أكمـل عبرتـي أخنقتنـي

قالت أبي منك الوعد لو أنـا غبـت =تحفظ مشاعر حب فيـك أجمعتنـي

قلت أحفظه وأحفظك ما دام أنا دمت =بس إرجعي فرقاك موت أرهقتنـي

قالت كذا يا نور عيني أنا ارتحـت =والوعـد باكـر بعدهـا ودعتـنـي

ياخوي قلـي صـدق هـي توفـت =وشلـون وهـي البارحـة كلمتنـي [/poem]

للشاعر الكبير احمد سالم الحويطي
و اتوقع انها من بداياته