لا والله الا صار طبع العرب شين
من داج بين بيوتهم برقوا...بـــــه
الحب شان وشـــــــينوهـ الخبيثين
اللي من اول قد مشو في دروبــــه
مايامرون الابفرقا المحبــــــــــين
سوق المودة كنهم ما سعوا..بـــــه
فيما مضى نمشي وناصل جريين
زولي الى منه بدا رحبوا ..بـــــه
واليوم صاروا كلهم لي معـــادين
كثرت نمايمهم وخلي حكوا..بـــه
ياناس مارافقت خلي على الشـين
الاعلى وضح النقا في دروبـــــه
حلفت دين والحق الديــــن دينين
ماشفت منه الاطرايف عجوبـــه
أرجيه رجوى اللي عياله مغيبين
يرجي سلامتهم وخير لفوا ..بـه
مير العرب فيهم نجوس وشياطين
من مرهم لوهو بري هقوا..بــــه
للشاعر/ صقر النصافي
طبع العرب شين
العرض الشجري