غندورتن تسوى البني الغنادير
كن العسل ما سال الا بفمها
برستيجها فطري ويفرق عن الغير
يكفي الا قامت تشمر إلكمها
احبها من يصبح الصبح وينير
واحبها يومن تعشي غنمها
واحبها رمضا ونار و جثامير
واحبها لا سلهمت في سهمها
الصامده في وجه ريح الاعاصير
الناسكه والثابته في عصمها
الطاهره والمشرقه بالتباشير
الفاتنه سبحانه اللي رسمها
اللي تبيع الورد وتخاف وتغير
حسبي على اللي في عيونه ظلمها
لها عليا جاذبيه وتأثير
الروح تعشق والمفارق يسمها
ان جت تسلم عانقتها العصافير
وان جت توادع ما تلاحق خضمها
ياحلوها من تلتمس للمعاذير
ويومن تلطف جونا من نسمها
إي والله اني اطير وآطير وآطير
واطلع من ثيابي الا جيت المها
حبيبتي تقرب لهتلر وشكسبير
مثقفه مستهتره ما يهمها
فيها صفات تصخر القلب تصخير
وزودن على هذا خفيفه بدمها
يعني اذا انا مكدر وعاكس السير
بكلمه تخليني اجي غصب يمها
ياهي خذتني في دروب ومشاوير
ذليت يخرب بيتها وبيت امها
إلها علاقه بالكتب والمشاهير
تختار من جمع الطوابع رقمها
وبالعائله تحضا بمكانه وتقدير
دلع لابوها وغاليه عند عمها
يلثامها وش بك على برقع الطير
مدري تحشم الطير ولا اتحشمها
من شافها يقضي نهاره على خير
هي مكسبلي وفرصتن اغتنمها
من وردها الشهري تفوح القوارير
تقبل وتدبر والزكاوه تشمها
هي بنت حبات الكرز والنواوير
هي تاج راس الحسن وانا احترمها
حبيبتي جتني ركاب ومسايير
اربع سنين ابطت ومالله قسمها
الله يرحم ثوبها والازارير
هذاك ستر عيونها من عدمها
وياراكبين مسودسات المسامير
سلموا على ذيقار واللي حسمها
اليوم جاكم نافخ النار والكير
ذا ابرهه الاشرم نصاها يضمها
وانا على ما قيل ببكي على البير
واشكي ظروفي يوم دمعي زهمها
لو تزعل امريكا على توني بلير
ولو تزعل الشيعه على من يؤمها
حبيبتي ما همها شيخ وامير
وانتا ابوها يالسنافي وسمها
حبيبتي بغداد نامت على خير
وانا منام الليل من زود همها
وانتا ابوها يالسنافي وسمها
العرض الشجري