يا سعيد ليلة أمس ما هقوتي ليله
اتنفس همومي والآهات منجنه
والبارحه همي ذبحني على مهيله
كني حطب حطوه في دوة العنه
ما جيت ابشكي ضيق اللبس والشيله
ولا جيت افرق شيعة الوقت والسنه
انسان مثلي طاح ولى انقصم خيله
يناطح ايام الزمن لو تحدنه
ياسعيد همي لو انا قلت ياحليله
أخاف يكفر بي ولا ادخل الجنه
جاني وشفته هز راسه معا ذيله
وانها دموع اجرها جرة الشنه
يا هم والله عارف انك ولد عيله
وانك كفو تلوي ذراعي ولك حنه
ان جيت ابحكي قصتي قال ياويله
وان جيت ابكنم حرتي ترهش الونه
وانا على الثنتين ميلت لي ميله
ولا عزه الا من لدن راعي المنه
رجل(ن) يصر الوقت في طرف منديله
عايش بهالدنيا ولاحد(ن) نشد عنه
يا سعيد ليلة أمس ما هقوتي ليله
العرض الشجري