رسـاله الى مبـــتـــعـث

في شهر 7 من العام الماضي وتحديدا عندما سافر اخي/ جاسر محمد الرقابي

الى نيوزيلندا للدراسه عن طريق برنامج الملك عبدالله للابتعاث الخارجي

خرجت هذه الكلمـــات :

[poem=font=",6,darkred,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/12.gif" border="ridge,3,firebrick" type=0 line=0 align=center use=ex num="0,black""]
وقت الرحيل ووقت توديع الاحباب = وقتٍ عصيبٍ ماتلاقي مثيله

راح وترك قلبه بين اهله والاصحاب = والكل يدعي سهل الله سبيله

الدمع من فرقاه على الخد منســاب = والجفن عيِْا ينطوي تحت ليله

ياخوي نفخر فيك للعلم طـــــلاب = قدرك كبير ٍ فوق باعلى مخيله

لانك وصلت" أوكلاند" والناس الاجناب = عطهم ولو بعض العلوم القليله

علمهم ان العم للنار شبـــــــاب = وبيته مشرع كل يومٍ وليـــــله

وابوي للفزعات والخير هبــــاب = عده من اصحــاب الخصال النبيله

وجماعي تشهد لهم رووس الاطناب = ناسٍ عزيزة نفس ماهي ذليله

وعن لبسنا قلِِِْه ترى نلبس ثياب = وشماغ فوق الراس كلٍ يشيله

مافيه مجلس برلماني ونواب = نحكم به اوضاع العـــرب والقبيله

الحكم حكم الله ودستورنا كتـــاب = يجنبك وقع الردى والرذيله

وان مافهم حاول بأسلوب جـذاب = تعطيه زبدة قولي اللي تشيله

في ديننا مافيه تفجير وارهاب = هذي امورٍ فالشريعه دخيله

ماخاب من حافظ على الخمس ماخاب = وداوم على الاذكار صبحه وليله [/poem]

تقبلوا خالص تقديري

عيدالرقابي ..