قانع بأمر الله واللي يجيبه

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله ياوالي على كل والي=يامسير دهورها والليالي
ياللي لك المرجاع بأول وتالي=ياخالق بالكون تصوير وايات
يافارج الكربه وياجالي الهم= انت الذي بالحال تعرف وتعلم
ترحم صغير اربع سنين ماتم=عبد الرحيم ويرحم الله من مات
في ابن حسن يحسن الله عزانا=الموت لو ننساه هو مانسانا
نصبر في هالدنيا ونلقا جزانا=الموت بغته والمنايا خفيات
في ثلاث طعشر قريب المسيه=في يوم جمعه واشعته المنيه
في شهر شوال وقبل الضحيه=الموت لنه حل مامنه منجات
عمره ثلاث سنين عضمه لياني=يومٍ بدا يتكلم الترجماني
ويشر يقول الله فوق المباني=يشر يقول الله فوق السماوات
من على سطح العماره تدلا=حكم القدر لاحل بالحال حلا
وكل مسجل في كتاب وسجلا=يبقى العمر لحضه ولو طال لحضات
الله يعين ابوه مهما يصيبه=دايم صبور بالأمور العصيبه
قانع بأمر الله واللي يجيبه=للدين في وجه المدين علامات
مؤمن بربه واتباعه نبيه=برب الملا واثق وثاقه قويه
شي من الله والمنايا خفيه=شي من الله مالنا فيه حيلات
صايم وقايم ماينقص فروضه=يبغى الاجر من خالقه والمعوضه
عسى السعد والرزق دايم حضوضه=ويعاوضه ربي جزيل المعوضات
مافيه شي عند ربه يضيعي=عله يجي لوالدينه شفيعي
في ماقف منه يشيب الرضيعي=في يوم يتمنون فيه الشفاعات
وثاني يوم يجي لنا علم خاله=منصور خاله طيب الله فاله
جاه القدر بأول شبابه وشاله= يرحمك يامنصور رب البريات
الله يعين اخته غدت بين نارين=ولدها واخوها وبخلال يومين
تبكي على واحد وهلحين(ع)ثنين=مرت بيومين عليها صعيبات
راحوا بذاك العام عام الثلاثين=الخال وبناخه عداد الفقيدين
الموت ماياخذ سوى ناس غالين=والحزن ماينفع على فايت فات
ويالله ياواحد وياحي قيوم=ياكاسر كسرى وياكاسر الروم
يامحيي قوم ويامفني قوم=أنك تسكنهم برحمتك جنات[/poem]