على قد ما فيني هدوء وبرود اعصاب
سيوري بعض اشياء لازم افضفضها
و مرات اشيل الهم واقعد احسب حساب
تنام العيون ولا منبّه يوقظها
مدام انّها تفرج على اهون الاسباب
عالله .. لا تشقا وروحك تمرضها
يقولون حط بالخُرج وامشي مع الكذاب
ولا شفت عوجه قول ماني ملاحظها
تجامل كثير الناس ولى تسد الباب
لك الله اصابع يدك الا تعضضها
هدادك بعيد وصفط الريش يابو اقطاب
تضامن معك هذي عيوني لغمضها
على ويش نعربها وماهي محل اعراب
وضيع العرب وجهات رايه بيفرضها
مدام الزمن خلا الحصاني تصير اذياب
ترى منت ِ مسوؤل ٍ عليها تروضها
واذا مسلي الرعيان درّج ترى نصاب
سلامي على الرعيان والله يعوضها
هواجيس إبن آدم تناقض وحب اعجاب
ونفسك وهي نفسك تصرّ وتناقضها
على دفتر العيله تحط القفل فالباب
وباق العرب خلها ولا لا تعرضها
صفّط الريش يابو اقطاب / زيد الرواد
العرض الشجري