قصيدة ـالشآعر فيصل بن جزء (رومنسي ومزيونـ،،)...

[align=center]
يابنت انا فـي مبسمـك حيـل مفتـون
وفــي ضحكـتـك ســر الـهـوا يابـنـيـه


ورمـــوش عـيـنـك لاتـلاقــن بـالـهـون
ياضيـعـتـي مـابـيـن رمـــش وخـويــه


والشعـر لامـنـه كـسـا ذيــك المـتـون
مايشـبـهـك يــاكــود بــنــت الـعـبـيـه


لامـن مشيتـي غصـب عنهـم يفـزون
وشلـون لــو شـافـوا جمـالـك شـويـه


فـي ذمتـي لاتصـيـر نكـبـات وطـعـون
هـذا صويـب العـشـق وهــذا ضحـيـه


ويامن تقول الزين في الشام مضمون
الـزيـن كـلــه وســـط نـجــد الـعـذيـه


ويابنـت مهمـا صــار ومهـمـا يقـولـون
الزيـن فـي عيونـك يحـسـم القضـيـه


يسعد صباح الكحـل ورمـوش العيـون
ويسعـد مـسـاء خديـنـك النرجسـيـه


ماشفتـنـا زيــك رومنـسـي ومـزيــون
يــابــاقــة ورود الـــغـــرام الــنــديـــه


لاشفـتـكـم دقـــات قـلـبـي يـزيــدون
يـاكـيــف لــويــدك تــلامــس يــديــه


لـيـت المشـاعـر ياغـرامـي يـمـونـون
واحكيلـك اســرار(ن) بقلـبـي خفـيـه


يامعـشـر العـشـاق تكـفـون تـكـفـون
نـبـغـي حلول(ن)للـقـلـوب الشـقـيـه


والله يزيـنـهـا عـلــى الـلــي يـحـبـون
وكل(ن)يعيـش احــلام عـمـره هنـيـه


كتـبـتـنـا مــاصــار لـلـنــاس يــقــرون
قـصـة عـشـق بـيـن بــدوي وبـدويـه
[/align]