اكذب عليك أن قلت ماني بمشتاق
واكذب عليك أن قلت حبك نسيته
خل الكلام اللي طعن صمت الأوراق
يحكي لك اللي ما نطقت وحكيته
ناظر عيوني شوف تأثير الأشواق
شوف الفرح وشلون بعدك جفيته
كتفي يشيل من الزمن فوق ما طاق
والضيق يرضى بي وأنا ما رضيته
إلى متى وأنا انتظر لحظه إشراق
إلى متى والحزن هالقلب بيته
إلى متى والهم ينحت بالأعماق
واسقيه من فراقك دمع بكيته
ياصاحبي شف خاطري ما بعد راق
بنفس الطريق اللي انتهى وابتديته
ضاق الزمان وكل شي بعدك ضاق
حتى القصيد اللي بصدري احتويته
عمر الشعر ما ضيق صدور الأوراق
الضيق ضيقي لاكتبت وقريته
تعبت اجمع ما بقالي من اشوااق
وأقول ليت الوقت يفهم يا ليته
ياقوى قلبك وأنت محرقني إحراق
أرفق بحال اللي ذكرك ونسيته
تدري عزاي إن حدك القلب تشتاق
دور علي بكل درب مشيته
يمكن تلاقي درب بدروب الفراق
يجوز ربي كاتبه واهــتديــته
ومدام ربي في يده قسمت الأرزاق
أنا اقتنعت بما كتبه ورضــيـتـه
راااقت لي 
:: أرفـق بـحـال اللـي ذكـرك ونسيته ::
العرض الشجري