((على طاري عيونك لو سمحتـي))

[poem=font="Simplified Arabic,5,white,normal,normal" bkcolor="transparent" bkimage="../backgrounds/28.gif" border="none,4,gray" type=0 line=0 align=center use=ex num="0,black"]
على طاري عيونك لو سمحتي فسري المجهـول=عيونك ليه تبحربـي وتبعدنـي عـن أفكـاري
عيونك أقسم بربـي تشـرّد عالمـي المأهـول=وتاخذني بعيد هنـاك عـن ربعـي وعـن داري
تداري داخل عيوني عسى عين الحسـود تـزول=أنا من يوم ما شفتـك وأنـا داخلـك متـداري
أخاف إن البشر تفنى وإذا ماتوا مـن المسـؤول=يقولون المرض يمكـن وأقـول إلا وانـا داري
أنا داري ذبحتيهـم بهمسـة حكيـك المعسـول=ولو يدري بك القاضي حكم لك سجـنٍ اجبـاري
أنـا وأنتـي تناسبنـا قضيـة (قاتـل ومقتـول=قتيلٍ ما أعرفوا موته رغـم إن البحـث جـاري
حقيقة فعل مع فاعل نصب من بعـده المفعـول=كشفت الفعل والمفعول وصار الفاعـل أسـراري
إلا منك رفعتي الرمش جيت من الوله أسطـول=وإلامنـك تبسمتـي نخيـت الفكـر وأشعـاري
وإلا منك نطقتي أسمي وقفت من الحكي مذهـول=وتر صوتك يداعبنـي يحـرّك نغمـة أوتـاري
وإلا منك سألتيني علامك مـدري ويـش أقـول=خذيني صمت في عيونك نهايـة كـل مشـواري
تعديتي جمال الناس وحزتـي زيـن لا معقـول=كأن الزين قدامك غـدى فـي الظـل متـواري
(وفاء الخل) و( العنقاء) وثالث مستحيل الغـول=ورابعهـا تـراه أنتـي يحفظـك ربـي البـاري
عطيتك كل أيامي من ( أغسطس ) إلى ( أيلـول=مدامك شهري الثالث عشـر تفـداك وأختـاري
خطوط العرض في قلبي تساوت مع خطوط الطول=وصار الوقت متساوي إلا من جيت لـك سـاري
شغلتيني بنظراتـك وصـرت التايـه المشغـول=وأنا في ذمتي قبلك محـد قـد حـرّك أسـواري
أدوّر للغـلا قـصـه وأدوّر للـغـرام حـلـول=عيونك أسئلـة قلبـي وأنـا لعيونـك القـاري
وأدوّر للوله ليله عسـى ليـل القصيـد يطـول=وأدوّر للسحـاب اللـي يسيّـل ميـت أنهـاري
معك كل النظر يحلا معك كـل العيـون تجـول=تبين الصدق سميتـك كـذا ( ريمـوت انظـاري
معك كل الشعر يطرب معك كل الحكـي مهبـول=معك قلبي يصيح اليوم ( أحبك يا اجمل اقـداري
ثناياك الجميلة مثل لون الثلـج فـي اسطنبـول=لمحت الثلج في ثغرك وذاب القلب مـن نـاري
ذكرت عيون تجذبني وقلـت افسّـر المجهـول =وجيتك يا بعد عمـري مـدام عيونـك الطـاري

تحياتي لكم [/poem]