خمور الاندرين

طول بال الاسئله والاجوبه
ما تعبّر عن شعوري والحنين

والشعاع اللي اسرني كوكبه
هو ضيائك يا ثقيل ويا رزين

في عيونك جنة ٍ معشوّشبه
تدّهر فيها زهور الياسمين

وانت عندي سكر ٍ بآذوّبه
او نبيذ ٍ من خمور الاندرين

روّبه يا لعنبو من روّبه
عتِّقه واشرب معي في كل حين

كن ربي قد عطاك الموهبه
تجرح اللي تجرحه وآنا حزين

وين ابشكي والقلوب امصوّبه
وانت ما ترحم شعور المسلمين

من سيوف إعيونك المحدوّدبه
او من شامات وضّاح الجبين

يصعق السالب بشحنه موجبه
وآتكاثف من يسار ومن يمين

ايه احبه واسأله من هوّبه
ما ابي يزعل من الحب الدفين

شرهته عندي اطيح بلوّلبه
يقطعه ولى يصل حبل الوتين

لو يعيد الاسئله والاجوبه
ما تعبر عن شعوري والحنين