" انا عنـدي حـنـيـن"

[frame="1 80"]السهر ملعون جد الى استبد
والغلا كافر وقاسي
لاسكن في قلب وافي
والحزن ملعون جد
وعذره ان الوقت غافي.
بس انا عندي حنين
وشوق جارف
وانت عارف
مايباع العشق في سوق المصارف
والحزن ملعون جد
الى سكن في قلب وافي
والحنين وصمت هالغربه
بعد ملعون جد

بس انا عندي حنين
وشوق جارف
شاربه من صغر سني
للثماله
ومرتوي شوق ووفا
بس محتاج لدفا
مل صبري برد هالغربه
وانا لازلت وافي
والاراضي كلها
صارت منافي
وانا محتاج لوطن
مليت غربه
وقفت الساعه
وطولت بوقوفي
في المواني
ومن يعاني
ماتسليه الاغاني
الاغاني
ماتسلي قلب محتاج لوطن
قلب محتاج لسكون
من خلقه الله
وهو دايم مسافر
من بلاد الى بلاد
بلاوطن
وبلامواني
قلب يحلم
بالوطن
بالحب
لاكن مايعيشه
مل من حزنه وطيشه
ورغم ذا لازال وافي
لاعشق يعشق بكل الصدق
ماخان بخليله
في زمانٍ زاد ميله
ماغدر مره ولايجرح حبيبه
كل هذا القلب طيبه
وش يعيبه
دام هو لازال وافي[/frame]