افكار تحلم مـا تجيلـك علـى بـال
وافكار تلفي بـس ماكـون رايـق
احدن كتب له شعر مقيـول وانقـال
ملّت مـن اطروقـه اذان الخلايـق
واحدن يجدد وان بنى بيوته اجـزال
يقلـد ابيـوتـه اورود الحـدايـق
ماهوب محتاج المعاجـم الـى قـال
وماهوب بحـال المكتبـه والوثايـق
الشعر مثل الجيد والحرف سلسـال
والصمت ابلغ مـن كثيـر الحقايـق
اما اورْد الشعر فـي عـذب وازلال
ولى اكون بـدرب الاشعـار عايـق
وانا احمد الله جيت شاعر ورجـال
ما هيب تربكنـي طـوال الطرايـق
بخصوص بعض الناس باجيب موال
توني امتقهوي عايش الجـو فايـق
ماهيب قرط حبوب وعلـوم جهـال
الا انا فـي واقـع الشعـر ضايـق
الشعر غادن شرق يا اشهب الـلآل
وانا على صلف الحجر حيـل تايـق
دامك صلخت الوجه يا اسود الفـال
وجهك معك من وين ما رحت (بايق)
ابك انت متعود على سطو الاقفـال
لا تحسب انك يا اسود الوجه لايـق
حنا الشعر واهل الشعر واهل الامثال
عمى عيـون اللـي بثرنـا يوايـق
الا القلم والسيف والضيف والهـال
باق الامـور اتمـر مـر الدقايـق
مانحسب احسابك ولو ربـع مثقـال
يلّـه تسهّـل والحقايـق لحـايـق
مسموح ! حقي ماخذه.. كل الاحوال
جدي وضعها روسكم فـي علايـق
زيد الرواد
ابو ناصر
ملّت من اطروقه أذان الخلايق
العرض الشجري