إهداء لعز الخوي / أحمد سليم السليلمي
وان شاء الله انها تعجبكم
....
في هجعة الليل والناس رقاد ... تسافر العين لبعيد وتهجر النوم
ضايق الصدر وغريمي سهاد ... وطير الهم بعالي السما يحوم
باليمين سبحه واليسار مركاد ... ادعي عسى ها لليل ما يدوم
يا شوقي لخوي ماهو بنقّاد ... شروى ابو سليم ما يلحقه اللوم
لا قلت سرينا ماهمه بعد بلاد ... يطوي البيدا وتلفح به السموم
خوي شوفته عيد من الاعياد ... عز الله انه رجل من الرجال القروم
فالصعيبه يبين الرجال الشداد ... وابو سليم ما يهد على الرخوم
ماخذ المرجله من هالدنيا زاد ... وارث الطيب و السلوم و العلوم
طرى علي ايام مدرسه بعاد ... يوم عن الرياضيات نندس ونروم
جمرة صداقه عيت تصير رماد...ابو سلام وابوسليمان ساس اللوم
كيف كنا نسوي مع الجداد ...وسرنا عن الاداره دايمن مكتوم
طرالي وقت الفجاري والبراد ... وكتاب نحو وسط كتب محزوم
طرالي قنافد وضبان و جراد ... مرصوصات بالمختبر حق العلوم
تذكرت خوينا اللي راح ولاعاد...جعله بأنهار الجنه يغتسل ويعوم
خوه غلاها مع الوقت يزداد ... تسرق من عين الوفي لذة النوم
ايامن نبكيها ليتها تنعاد ... بس وش السواة مقدر و مقسوم
ويا حسافه على ناس اوغاد ... خوة مصالح ماتسترهم هدوم
آه لو اني لسنين مضت ردّاد ... مسحهم من الذاكره شي لزوم
على تصاريف دنيانا معتاد ...اقابل وجيه طيبه و و جيه شوم
تتسع وتضيق بخطوتي البلاد ...أشوف بها النخل وأشوف القلوم
واشوف الاحلام غاليه بالمزاد ... ما تذوقها لاصرت منت معزوم
هذي حروف قايلها ما اجاد ...مصفوق من برد تبوك مزكوم
مشتاق وحوله خلق الله رقاد ... ومفارق هدب عينه نوم و حلوم
يابو سليم ماني لشي عداد ... تتعب الحروف بحق الايام ما تقوم
كلشن ورصاص ولمسة زناد...اطلقها بسما ليل طاريك نجوم
ياعسى دروبك كلها سداد...وكل ايامك صلاة و صوم
بقلم / مشاعر واحاسيس
في هجعة الليل .. بقلمي
العرض الشجري