البارحه همي رثع بي يبو عيسى
من غربة ٍ صكّت عليَه درايشها
مليت من جويّ وكثرة هواجيسه
دنيا على الرجال تكثر بلايشها
الهم يصلا فوق كبدي محاميسه
وافراح قلبي صرت مقدر انايشها
تعبت من حلم الليالي وانا قيسه
ومليت ناس ٍ كنت اجامل واكيّشها
الهم ما يرضا بدبله وتلبيسه
الهم وده روس يقدر يشيشها
هو ليه يجبرني اعيش بوساويسه
ولى الزمن يفرض عليّه اعايشها
هذا وماندري بخافي كواليسه
بس الوكاد ان الاصايل يكدشها
وين الهنوف اللي اسكنت ديرة الخيسه
اللي خجلها طايح ٍ مع عكارشها
الحب لو هبّت عليها نسانيسه
تضف العباه وتحتزم في قوايشها
بنت الكريم اللي عطاياه من كيسه
يمد يده ما حسبها محوشها
هذاك لا شفت تنومس قرانيسه
ابسط لشوفه هالقطايف وفرّشها
سقها بوجه الله وعلمه وتاسيسه
النفس تكثر بالعباده بشايشها
الرجل ما هو بالدراهم يبو عيسى
الرجل قول وفعل والنفس يكرشها
الخيسه منطقه في قطر
هو ليه يجبرني اعيش بوساويسه
العرض الشجري