هو انا اللي بس حلمي ما يسير

الحمد لله ساكن ٍ فابو ظبي
دار زايد زايد الخير الوفير

من يحاول يمتهنّا فيهبي
والله اليبطي ولد توّه صغير

يا مواطن عيب حسد (الاجنبي)
كل واحد في دياره هو امير

يعربي مسلم وسني مذهبي
والامل بالله هو نعم النصير

اردني ٍ ماحد ٍ قصّ اشنبي
وللمراجل افهق اخطام البعير

وبالمواقف احتزم بمجربي
ما يرده كود مطبوق الجفير

تحسب اني جيتلك اكبي كبي!
اتْعَقب ماني من اللي يستجير

والحقيقه ما وصلت اللي أبي!
الله اعلم عاد ! وقتي فيه خير؟

إدهرّتي يا رياضي فعشبي
الخريف يجردّ الغصن الخضير

الاماني ما تجي مسحة نبي
والملك كم هدده اكل الوزير

يحسبنّه هو ذكي اكبر غبي
ينبح ولكن قوافلنا تسير

ارتقي لو كلفك تحبي حبي
يا تجي واقف مع الصف الاخير

يا مقابيل الاماني اكتبي
زاهد ٍ بدّل حريرك بالحصير

روّحي يمي اماني واقربي
وان توليتي فلي رب ٍ يجير

يا حلامي ليه تسبيني سبي
هو انا اللي بس حلمه ما يسير؟

يا حلامي ليه فيني تلعبي
لعب غمّايه تحت انقاض بير

كم قريت اللي رواه القرطبي
ما لقيت احلى من اقوال البشير

وكم عيني شافت بشوت وعبي
ما لقت راحه سوى عين الفقير

ما لقت راحه سوى عين الفقير
ما لقت راحه سوى عين الفقير