ياصدمةإحساسي وياضيق الأنفاس
ويالوعة بالصدر ((تنحت قهرها))
حسبي على الدنيا وحسبي ع الناس
حسبي على آهات السنين وكدرها
تشتت أفكاري ومع الهم وسواس
وتخالطت بأرضي الصحاري وبحرها
وماتت عدالة وقتي جور،ن، ومقياس
وتساوت بعيني النجوم وقمرها
ماعاد تفرق هم وأوهام وإلياس
مكتوب للنفس العنا وذا قدرها
وش عاد باقي حآن تنبيه الأجراس
وإليا أعتلا صوته تزايد خطرها
النفس ضاقت ولابقى آية إحساس
واللي بقى للعين دمعي وسهرها
ياصدمتي من دنيتي وبأقرب الناس
حتى الثقه بالنفس صرت إحتقرها
ماعاد لي شرهه ولا لوم ولابأس
لابأس ياعين*ن* منامي هجرها
باكر تدور أيامنا وتضرس إضراس
وخيانته من الغير نسمع خبرها
خيانته من شخص غالي وحساس
وتذكره بآهات ناس تصون وغدرها
حسبي ع اللي حط بالبال هوجاس
وسيف الخيانه في حياتي شهرها
لابأس ياقلبي وياعيني لابأس
لابد له يوم،ن، دموعه يهدرها
ويعيش قهر الحب لاصار ينداس
وتذكره بناس شرته وخسرها
ياصدمةإحساسي وياضيق الأنفاس!!
العرض الشجري