نبضـ قلبي ....

رضاك اللي منح لي بالفضا جنحان وإستوطن ما بين عيوني الثنتيـن

ما دامك يا الغلا ما هنت بالوجـدان محال أتخيّل غيـاب الغـلا يوميـن

هذاك أوّل .. أقول إن الرضا أحيان عسى كل العمر واثنيننـا راضيـن

خذ ضلوعي وكيفك بعثر الأوطـان لأنك يا بعد عمـري مـن الغاليـن

أحسّك حيل متفائـل بكـم إنسـان ومن خوفي أقول أشكالهـم وافيـن

وأنا بيني وبينـي كنـت كالبركـان أثووور وأنقلب وأتعدّل مْن البيـن

أفِلّ الصبح وتتناثر يديك أغصـان ألِمّ اليل وأتكاثـر عليـك غصيـن

أميّل سنبلة عمري عليك أحضـان وتاقف مثل ما ياقف بوجهي الدَّيـن

أشوفك حلم ما مـرّه أبـد شجعـان أضمّك بَرد وأسألني : أنا من وين ؟

أنـــــــامــــــــك /

أســـــــهـــــــرك /

أسـتـحـلـفـك ولــهـــان

أشـــــــمّـــــــك /

أمـــــــطـــــــرك /

أسـتـوعـبــك تـخـمـيــن

أغــــــوصـــــــك /

أبـــــــحـــــــرك /

أسـتـنـجــدك غــرقـــان

أفـــــــلّــــــــك /

أجــــمـــــعـــــك /

أتــلــوّنــك تــلــويــن

على هذا الأساس أسترسلك طربان على هذا الشعور أستمتعك تلحيـن

أبفرش جفن عين القافية لك شـان أبطوي من حوالينك توالـي عيـن

أشوف أزمان وأتخيّل معاك أزمـان أعيش سنين وأتحسّف عليك سنين

تذوب الإبتسامة في شفا الزعـلان وأعيد الإرتسامة في : أفا وبعدين ؟

وترجع بسمتك في مبسمك خجـلان وتفتح حاجبينك يـا هـلا وأهليـن

وتسألني : من اللي يمنحك جنحان ؟ وتتحوّل جناحيـن الرضـا لإيديـن

على مزآآآآجي ..