انا رجل عادي ولا اكنز الذهب....انفـق وعـلام الغيـوب يجيـب

[poem=font=",6,black,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/104.gif" border="groove,4,black" type=1 line=0 align=center use=ex num="0,black""]
غريب عشت وراح اموت غريب=هاذي حياتي والزمـان عجيـب
اموت واشبع موت هي سنّة القدر=بس في المقابل ما اعيش كئيـب
يعني بما معناه مـا قالـه المثـل=للمجتهـد بالاجتهـاد نصـيـب
واسمع كلام المجتهد يا سنايـدي=حبّ العنب عقب الجفاف زبيـب
كذلك الانسان فـي دورة العمـر=ضعف ٍ وقـوه بالاخيـر يشيـب
روح الحياه الدين في فطرة البشر=اسأل امجـرب لا تسـل طبيـب
الله واحد ما معـه والـد و ولـد=والله لا تجعـل معـاه حبـيـب
قد اشركوا اهل الكتـاب بربهـم=قالـوا قتلنـا والمسيـح صليـب
وقال اليهود الله فقيـر ٍ يالاغنيـا=نحن اولي بأس ومجـال عطيـب
والله يفصـل اختلافـات بينـهـم=وياحظ من يأتـي الالـه منيـب
انزل لنا القرآن وانزل به الشفـا=واشهـد بإنّـه للعبـاد قـريـب
والسنّه التفصيل لا تستهـنّ بهـا=مـن يتبعهـا مستحيـل يخيـب
وباق الامور امور دنيـا وزايلـه=ماتسـرّ لا اعـداء ولا صحيـب
ياكثر ما راهنت وآبـوء بالفشـل=وفي بعض الاحيان الرهان نصيب
ترى الحظوظ اقدار ماهي فراسة ٍ=مو شرط محظوظ ٍ يكـون لبيـب
ان الافاعي لو تطيـب سمومهـا=كيد العذارى مـا هقيـت يطيـب
اليا غزيت اغنم ولا تلتفـت ورى=مـا يلتفـت الا جبـان معـيـب
ان الذي يرمي السهـام َ عمـاوة ً=يخطي ولا يدري مـداه يصيـب
انا رجل عادي ولا اكنز الذهب=انفـق وعـلام الغيـوب يجيـب
لو احسب احساب الدراهم وغيرها=ما كان اعيش ولا اموت غريـب
[/poem]