قصيدة أخي الشاعر سالم فراج العماوي العمراني بحفل الربيعيين

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شدي أطناب القصايد وأوثقيهن يالمعاني ‍= جيت أقلط من لفونا على صدر القصيد
جيت اسوق الكيف من دلّه بهيل وزعفراني ‍=‍ جيت أسوق العود الأزرق من قصيدي والنشيد
شاعرن فذ القوافي والمعاني والبياني ‍‍= وإن قلت شحّت فكرتي صاحت بهل من مزيد
لاني بزايد عالرجال ولاني بأدناهم ولاني ‍= لكنّ إني بلا غرور احس منسوجي فريد
راس بحويط العريب وراس في سهيل اليماني ‍= وكل ماراسي رفعته رفعته من جديد

جيت أرحب بالحضور ضيوف ومحلّي المكاني = وفوق ماخلت المزون اليوم عندي يوم عيد
بإسم الربيعيين ربعي من يفكون العواني ‍= ‍ياهلا باللي لفونا من قريب ومن بعيد
من ضنا عمران ساس الطيب وعراب المجاني = لطامة العايل من على الوقت التليد
لابتي طلق الوجيه إن جيتنا فأيّا زماني = نحتفي بالضيف كن جابته أمه وليد
ون عمست الأريا تبدلنا بوضعٍ شقلباني ‍= صاطيين .. ولايفلّك يالحديد إلا الحديد
واليوم بعد العلم صاير فالجنوب بعلم ثاني ‍= فزّت عيال القبيله للكرامه تستعيد
تحت راية سيدي قايد الخيل الحــصاني ‍= ‍أنضوو ا والجيش يســــأل خالقه رب العبيد
ردّوا الباغي على ماقيل فأجحار الحصاني = ‍ردةٍ تشفي غليل أللي على كبده جليد
خلوا الحوثي سرابا في جباله مايباني ‍= لعنةٍ حلت عليه وضربة الكايد تبيد
وين أنت عنّه يالخميني يوم كاسيه الهواني ‍= ليت درس احباب دينك منه قومك تستفيد
جيش السعودي لازحف ماهوب زحفه هيلماني = ‍يحرق الوديان تحسبها تحت زحفه تقيد
جيش منهو لا ومـــــــر لاتهاون أو تواني= ‍جيش أبو متعب صليب الراس والراي الـــسديد
ياوطنا يامقر الجود وجدود ٍ فواني = مانبيعك ياوطنا لو سكنا فالجريد
مانبيعك بالثلاثه ياوطنا وبالثماني ‍= نحصد الأعمار دونك مثل ماإنحصد الحصيد
ومثل ماتنزح دمانا من الجماجم كالسواني= ومثل ماطاح النخيري من بني عمي شهيد[/poem]