تهون نفسي ولا يضيعوا عياالي

قبل فترة ليست بطويله اتصلت بي صديقتي في وقت متأخر من الليل تشتكي امورا ألمت بها ستقرؤونها في طيات القصيده
مما تسبب في انتزاع النوم من عيني طيلة تلك اليلة
مما دعاني الى ان اخط لكم هذه الابيات

جاني اتصال وقلت يالله عســـى خير
وش عندها بنت الحسن والدلالي
فزيت من نومـي وانا ودي اطيـــــر
مفزوع قلبي والعرب ما تبـــالي
قلت اشرحي من دون زودٍ وتقـصير
اللي حصل واللي مضى بالتوالـي
قالت كسر يــدي ولافيه تـــــجبــــير
والهم يغشاني على كل حالـــــــي
هذا اثر قيده وهــذا اثر ســـــــــــير
وهذي الجروح اللي بها الدم سالي
قلت اذكري الله واطــلبي منه تيسير
ثم ازهمي ربعك وقولي جرالــــي
ما فيه فعل الا ولــــه كم تبــــــــرير
وانتي عليكِ اليوم عـــد المــقالي
قالت انا ما حولي الا تصـــــــــاوير
الحزن والدمــعات هي راس مالي
باصبر على همي ولو كان به ضير
نفسي تهون ولا يضيعوا عيــالي
وحررت من قافي لها اليوم تحرير
لاجل يتنبه كل غــــافل وسالــــي
أما ارحموا ضعف البنِِي المصاغير
ولا اتركوا للعدل ياخذ مجالــــي
ويوم(ن)شكت لي ما قويت التعابير
وانا لها عـ الدوم ياطيب فالـــي
بعض الرجال ارخوم ماهم مناعير
واهمــلا لي بس واهمــلا لـــي


شمــــــــــــــــوخ الاصايــــــــــل