المواقف تحيي قريحة الشاعر أو المستشعر 
وأليكم ماجادة بهـ هالقريحهـ
ياعيد قلبي به الضيـــــق لاجـــــــــي
كنه على جمر الغضى يحرق احراق
من وقتنا اللي بان فيه انعواجــــــي
فرق قرايب عن بعضهم تفراق
فيهم لياشافك مع الدرب ماجي
ينقل هشيمه ياعسى قطع الأعناق
وفيهم سويد القلب هرجه سماجي
يضحك معك وإن غبت حشك مع الساق
ماهمني دواج بالكذب داجي
عسى البقاء فاللي من الناس لي لاق
والنذل ماأشقابه ولاإشغل مزاجي
وإن جابلي شينه نضيق (له) أخلاق
أقوالها مالي مع الناس حاجي
غصبٍ من اللي شفت ظاق(ن) الأخلاق
ويالله ياسامع دعات المناجي
تغسل قلوب الناس من حسد ونفاق
وصلاة ربي عد ماالنور فاجي
على النبي وأعداد ماتخضر أوراق .
~أقوالها مالي مع الناس حاجي~
العرض الشجري